أخاف تقفى بك الدنيا ولا أشوفك
وأنا اللي شوقي خذاني صوب شوفاتك
تعال والحق سنيني قبل ما تطوفك
لا يكسر الشيب ضهري بطول غيباتك
الجنه اللي ثمرها روعة وصوفك
والثلج الابيض بطل في فلم ضحكاتك
والرهبه اللي تشع النور بكفوفك
والزهره اللي حيت من ماي دمعاتك
والبسمه اللي تحيي موكب طيوفك
والحشمه اللي تخاوي كل خطواتك
كل هالعوامل أكيد بتكسر ضروفك
وتعود من غربت تلعب على أوقاتك
لك عاشق بالبطى ما يقدر يعوفك
في كل لليله يرتب حفل جياتك
لك شاعر يكتب بيوته من حروفك
يشده القاف لاآخر حد غيراتك
متى يجي مع سنيني يوم وأشوفك
واشعل بقايا سنين العمر شمعاتك