لا قلت ابا اسري جرحت القلب في جرحين جرح انك نويت وجرح كلما كنت ابحكيها

تبعد وتمشي ولا اقدر انادي وين… وين انت رايح رد لي روحي انا ابيها

ابقى مكاني غصب ارسل وراك العين هي حيلتي دام الخطاوي صعب يمديها

اجلس معاهم وانا اعد الثواني سنين اتابعك بالشوف لين الدمع يغشيها

واحتار فيني ماودي عذابي يزيد لكن خيوط الشمس مين يقدر يداريها

ياحيله الله ربي لي عليك معين يبليك فيني مثل ماحالي انت مبليها

وتعود هايم يرد لك للوله امين نفسك على قربي تواعدها وتمنيها

وتحس مثلي لا من قلت لك بعدين لا ترجيت المواصل عاد وش فيها

منقول