<CENTER>السلام عليكم و رحمه الله و بركاته
أحبائى مشرفات و صبايا منتدى عبير الجميل
كل سنه و انتم جميعا بالف خير وسلام
النهارده احب احكى لكم قصه الفراخ وهى ان كل فرد فى الاسره بيحب يأكل الفراخ بطريقه معينه الى يحب مسلوق والى بانيه والى مشوى و الى يحب الصدر والى يحب الورك وهكذا
و هى طريقه أقتصاديه أيضا
طبعا كلنا عارفين كيف نغسل الفراخ جيدا لكن حبيباتى فى منطقه اسفل الفرخه ضرورى تتأكدوا انها ازيلت و هى عباره عن كره صفيره اسفل الفرخه تقطع بالسكين مثل الصوره
قصة الفراخ -*- طريقه أقتصاديه -*- ** بالصور
و طبعا المنطقه الى فى الخلف عند الذيل معروفه طبعا
بعد غسيل الفرخه انا بدعكها كلها بالليمون و ارش عليها الملح و اتركها فى مصفاه تنزل ما بها ثم اشطفها و ادخلها التلاجه (لو حتسلقى الفرخه كامله لازم تضعيها فى التلاجه و تطبخيها تانى يوم بيكون افضل )
كل واحده منكم ما شاء الله استاذه و لها طريقتها الجميله للمرقه و الفراخ المسلوقه و محمره بالسمن البلدى او تقطع بعد السلق و تغطس فى البيض و الفيجيتار و تقلى و كلها طرق رائعه لكن ححكى لكم طريقتى البسيطه
الفراخ المسلوقه
المقادير
بصله مبشوره / ملح / فلفل /3 فصوص حبهان /3 او 4 فصوص مستكه (و ليس مستيكه) /2 ورق لاورو /جنزبيل بودر
الطريقه
نضع ماء فى حله مناسبه لحجم الفرخه و عندما يغلى نضع الملح و الفرخه و نشيل الريم او الزفر ان وجد حتى ينتهى نضع البصل و الفلفل و الجنزبيل و المستكه و الحبهان و ورق اللاورو
قصة الفراخ -*- طريقه أقتصاديه -*- ** بالصور
وتترك حتى تنضج لايقل عن نصف ساعه حسب حجم الفرخه و عندما تنضج ننشلها من الشوربه او المرقه ثم تحمر حسب رغبتكم (انا بضعها فى شوايه الفرن تتحمر مع التقليب بدون سمن بضع مرقه فى الصنيه حتى لا تحترق فقط ) وثم نلفها فى الفويل بعد ان نرشها بالفلفل تظل ساخنه
لعمل أصناف مختلفه من الفراخ
انا بشرح الفرخه بان اقسمها بالنصف
قصة الفراخ -*- طريقه أقتصاديه -*- ** بالصور
ثم اخلى الصدر بالسكين أمشى بحذاء العظم هكذا
قصة الفراخ -*- طريقه أقتصاديه -*- ** بالصور
نفصل الفص الفلتو الذى فى الصدر و ندقه لعمله بانيه و ندق الصدر و عليه الجلده لشويه
قصة الفراخ -*- طريقه أقتصاديه -*- ** بالصور
و لو حنعمله بانيه أيضا نشيل الجلده و نقطعه ترنشات شبه الفلتو حتى تكون سهله فى عمل السندوتشات و التقطيع
قصة الفراخ -*- طريقه أقتصاديه -*- ** بالصور
و أقسم الفخد بالنصف ثم أفصل الموزه لوحدها (ممكن نجمع الموز و نعمل بيهم صنف ) و أخلى العظم من عليهم و يدقوا أيضا بالجلده علشان الشوى (لو حنعملها شيش طاووق نشيل الجلده )
قصة الفراخ -*- طريقه أقتصاديه -*- ** بالصور
خلاص جهزنا الفراخ المخليه للبانيه و للشوى
قصة الفراخ -*- طريقه أقتصاديه -*- ** بالصور
العظام والاجنحه والرقبه لا نرميهم حنعملهم شوربه بالطريقه السابقه وبعد النضج نفصصهم او نخلى الفصوص و نحمصها مع بصل و فلفل اخضر و بهارات و نحشى بها أجمل سامبوسك أو نعمل بيها سندوتشات بالكاتشب و المايونيز و الخص و الطماطم
بواقى الفصوص النيه و القطع الصغيره نحتفظ بيها فى الفريزر حتى تتجمع عندنا كميه نستغلها فى عمل اصناف جميله</CENTER>


<CENTER>تتبيله الفراخ البانيه</CENTER>


<CENTER>المقادير
زبادى / ماء البصل / مسطرده /عصير ليمون / خل / ملح / فلفل / جنزبيل
بيض / ماء / دقيق / بقسماط مطحون لونه فاتح ( يمكن عمله فى المنزل بالعيش الفينو البايت تزال حوافه و يدخل الفرن ليجف فقط ثم يطحن )
قصة الفراخ -*- طريقه أقتصاديه -*- ** بالصور
الطريقه
نخلط جميع المقادير مع بعض جيدا و نغطس فيها قطع الفراخ و تترك فى التلاجه
قصة الفراخ -*- طريقه أقتصاديه -*- ** بالصور
و عند الاستخدام نغطى الفراخ بالدقيق جيدا ثم نغطسها فى البيض المربوب بقليل من الماء (و ذالك لتخفيفه و جعل لونها ذهبى فى القليه لا تتحمر بسرعه ) ثم فى البقسماط
قصة الفراخ -*- طريقه أقتصاديه -*- ** بالصور
و تقلى فى الزيت وتوضع فى مصفاه او على ورق ماص
قصة الفراخ -*- طريقه أقتصاديه -*- ** بالصور
من يحب القشره ثابته على الفراخ يضعها فى الفريزر ثم يخرجها للقلى لكن عندى يحبوها منفصله ليتأكدوا انها غير مفرزه و طازجه و كل واحد و رغبته
وتقدم مع البطاطس المحمره و بجانب اى طبق من المكرونه او الارز او السندوتشات
قصة الفراخ -*- طريقه أقتصاديه -*- ** بالصور
</CENTER><CENTER>منقوول لافادة </CENTER><CENTER> </CENTER><CENTER>اتمني الجميع يستفيد</CENTER><CENTER> </CENTER><CENTER>ان شاء الله</CENTER><CENTER> </CENTER><CENTER>يتبع…</CENTER>