قلها وأخلص … لا تراعي لي شعور

…..أدري إنك عن غرامي مادريت

صار لك ساعة تلف بها وتدور

…..مافهمت إلا عسى وودك وليت…!

قل ماحبك وأنتهت كل الأمور…!

…..خذت كل اللي تبي مني وقضيت

ماعليك … أنا على الفرقى صبور

…..بانيء لي في صحاري الصبر بيت

وقد فركت من القهر عشرين زور

…..وبعت في سوق الهوى هم … وشريت

لاتكدر خاطرك … رح ومعذور

…..غلطتي وأتحمل أنا اللي بديت

وأنت لوقصرت … مامنك قصور

…..الخطاء مني … ولوي ماخطيت

مر في سيرة هوانا لو مرور

…..واذكر انك قد شكيت … وقد بكيت

وإن كتبت بدفترك عني سطور

…..اكتب إني عقب زولك ماهويت

وإن خذك ملحك إلى حد الغرور

…..جاني أملح منك … لكن مابغيت…!

هي مقادير … وخذتنا للدبور

…..ماسعيت لها أنت … وأنا ماسعيت

وإن بغيت الشور عندي صدق شور

…..جرب دروب الهوى … و رد إن غديت

وأنا ببقى في مكاني ضوح نور

…..وأحتريك بهالمكان إلا أنتهيت