يالمور خذ خانت الخامس من اليمنى
تحـتر تـبرد تــرى الاخلاق خربانه

والله لتبـطــــــي وحنا ماتفاهمنـا
مــــدام ميقــــوع ماعـقبت قلبانه

لاتشتكي الظلم حنا الوقت ظالمنا
ودليل ظلمي تراك تشوف برهانه

البـــارحه مـع ثــلاث ايــام مانمنا
مكينتك تشتغـــل والعـين سهـرانه

ان ادبــرت شدنا يرخي محازمنـــا
نــروي بـدلـو يـضيـــــع ماه شقانه

ونـادي أقــرب صــديق ولايكلمنــا
يبين وسم الغضب بأطراف حجانه

وليا أقبلت خصمنا يقضي لوازمنا
صداقته تستحل بيـــــوت عدوانـه

و عـــز الله انا من الدنيـــا تعلمنا
درس صعيب على التلميذ نسيانه

يالله تجـيب الــرفـيق اللــي يعلمنــا
ابنشده عن [ غريب ] وحال عربانه

لو كــان في بيت جـدانه محطمنا
ياوسـع صدري عليه فبيت جدانه

لـو المـدى البعــد مـرينـــا وسلمنا
مـيـر الـبـلا شـــــوفة الديان ديانه

اعجبتني ونقلتها لكم