الطبقة الاولى :
كانت رقيقة وحلوة ورطبة زي الجاهزة^_&:
واحد بسكوت ماري + بطرف الاصباع قرفة يعني بدون لا تبان نكهتها شي طفيف
+ سكر ناعم امكن ملعقة بالنظر+ نص اصباع زبدة المراعي
+ ملعقة صغيرة زبادي هذي اضافه من راسي اول مرة اجربها بدل الحليب
في ناس تحط حليب وناس تحط كريمة سائلة
وممكن ماتضيفوها بس هي تخلي البسكوت رطب شوية.
طبقة التشيز:
علبة جبنة كريمي استخدمت علبة كيري 350 جم( الي زي علب اللبنة)
+ علبة قشطة + 5 فناجين قهوة سكر( وانت حسب ذوقك )
+ فانيلا +ملعقة طعام نشا+ ملعقتين زبادي ممكن نقول نص علبة
تخلطيهم وصير عندك خليط كريمي ثقيلاضيفي بيضتين حبة حبة
وهنا اخلطي بهدوء مانبغى هواء وسط الخليطسخني الفرن وحطي صينية التشيز بحمام مائي من 45 إلى ساعة حسب رغبتك بالطراوة
هنا خليتها ساعه بس الفرن منخفض 150 اظن..
لا تزيدي وراقبي الموية لا تنقص ينحرق والموية تفوريها قبل تضيفيها للصينية..وخليها بالفرن برضوا نص ساعه ساعه إلا ربع ساعه حسب كم خليتها بالفرن
مثلا خليتها 45 دقيقة خليها تكمل على حرارة الفرن مثلا 45
ولو خليتها ساعة خليها على الحرارة نص ساعه
بس حسب قد ايش قعدت وقد ايش نضجت..
ومع هذا افتحي وشوفي ايش صار لونها اهم شي تبقى بنفس اللون
مااحبها تحمر ابدا
هنا انا كنت مستعجلة وخرجتها اظن استخدمت الفرن لغرض ثاني..
لمن تخرجيها من الفرن اتركيها ساعه
ساعة ونص بنفس الحمام المائي
هي تكمل النضج وكمان عشان ماترجع تهبط لك لمن تتفاجأ بإنخفاض درجة الحرارة
وبعدين برديها بالثلاجة
لمن تبرد تماما حطي المربى الجاهز
او أي توبنغ انت تحبية..
انا جربت كثير مربات التشيز ماحبيتها شكل رائع ومميز جدا
لكن الطعم مايعجبني ويخرب طعم التشيز
ووصلت لهذي الفكرة حبيتها:
3 ملاعق مربى فراولة تخلطيها بالخلاط
( يقلك صفيها.. بس جربت وماتتصفى بعد الخلط لأنها ثقيلة)
وتذوبي ملعقة صغيرة جيلاتين وفي مويه حار وتخلطيها مع المربى
وتحطيها على الوجة
اطيب صوص وبربع القيمة..
_________
عججبني ونقلته
التصنيفات
