هاي وش اخباركم وش مسوين اليوم انا جايبتلكم احلى القصايد واقربها القلبي من جد مافي قصيده اثرت فيني كثر ما ئثرت فيني القصيده وراح اطول عليكم هاذي القصيده {امسكو انفسكوم لا تبكون}
على فكره هاذي القصيده كتبها الشاعر لما كان يتعالج في المانيا ………..

يالله يافارج هموم ليا جن = ياواحد فوق السماوات عالي
يارافع سبع وسبع بسطهن = ومرسى الجبال الشامخات العوالي
يامحصي خلقه من الانس والجن = وأخرجت يوسف من جبا جو خالي
واصبح بري من خطايا يكادن = الأوله واللاحقات التوالي
افرج لمن كنه على اللي يقالن = جمر الغضا لازاد فيه اشتعالي
وادموع عيني فوق حجري يصبن = تشدي غروب تحت هجف المحالي
دايم على خده وعينه يكفن = مثل المطر من مستهل الخيالي
وليا سألت إعيون وشبلاهن = جات الاجابه قبل فتح السوالي
امس الضحى في دار واليوم مع من = إمع اليهود محرمين الحلالي
في دار هتلر مانعرف المؤذ ن = دار عساها بالمحى والزوالي
ياعيد ماصبركم على ديرة الجن = لاإخوان لاعمان لا من خوالي
عزي لكم ياعيد مثل المسجن = وأنا بعد ياعيد عزي لحالي
عقب الجماعه جالس في بلد من = لاحد مسفرني ولانيب جالي
ياعيد لو تعرف فروخ يلجن = في دارنا مايدركن النوالي
قصار ريش ومالك الله يطيرن= حب تحت رب عزيز الجلالي
ويانجر يامشكاي عينك عليهن = وخلك عليهن مثل وصف الظلالي
وياسعود ظني فيك لاتخلف الظن = إتروف بخوانك سواة العيالي
حاذور لامروك ناديت ياهن = وتميل مع بقعى على كل جالي
وأوصيك ياهندي وصية عليهن = أنت الولي والله على كل والي
أرفق عليهن لين حتى يضفن = وآمر عليهن بالرضا والعدالي
وإفطن لهن ياذيب لين يتعشن = ولايمرحن الليل والبطن خالي
حتى يجي يوم خواتك يقومن = أنت اللذي تربا وانا راس مالي
واسلم وسلم لي على من نشد عن = وقله تراي بدار ساكن لحالي
ماعندي الا قوم جن تراطن = لاحد يسال ولايجيب السؤالي
وعيونهن زرق ولاأدري وشنهن = يحرم عليهن سترهن والجمالي
وجدي على شوف الهضاب يتزامن = دار سكناها قديم وتالي
إديارنا في نجد محروم ينسن = أم غلاها من وراء كل غالي
وزواجها من جدنا سنها سن = على الشريعه واشقر الدم سالي
يوم إنحدر بجموعه اللي تبارن = من حد بيشه للمدينه شمالي
وعز م ولز م للمعارك يخوضن = ماهمه اللي قاعد بالتوالي
حتى سكن في نجد غصب بلامن = وإحتل دار مكر مين السبالي
من بعد خيل وجيش للشيخ يهدن = خلوه عن داره يشد الرحالي
ربعي ترى عتبان ياقايل من = اللي تكر م ضيفها بالخيالي
ذبح المربي عندهم دايم فن = هذا بعد تقديم كيف الدلالي
لاجيت مجلسهم لزوم يلقن = ماحسبوا في دقها والجلالي
وياعيد ماأرسلنا التذاكر يحجزن = ماغير أعد أيامها والليالي
متى نوادعكم إليا جن يمشن = ومتى تحلق بالسما ياطلالي
حتى نجي بديار من يحرق البن = سواة ابو يونس صديقا صفالي
ابو محمد يوم عندك تلافن = وجيه النشامى الطيبين الغوالي
بلغ سلاما مرسلينه بلا من = بأفضل تحياتي لهاك الرجالي

انشاء الله ياربي اعجبتكم