السلام عليكم وكل عام وانتم بألف خير
.
.
هذه آخر ماكتبت اتمنى تعجبكم
.
.
تقول خطله.. قلت ماهيب خطله
………………..نظرتك شف قلبي لعنت سلسبيله
طلعت صدفه أحسبه يوم عطله
………………..طلع علي ولاتركلي وسيله
أهل المدارس حبكم مانبطله
………………..تسلون واحنا الهم كللللله نشيله
ارسم على شوفه بليلي واخط له
………………..يضيع كل حل وادور بديله
أشيل حرف وحرف ثاني أحط له
………………..دخيل رب البيت منه دخيله
ياليت اعرفه ياعرب وارتبط له
………………..امشي معه لوهي دروبه طويله
معاه قلبي مدري ليه انبسط له
………………..خفيف نفس وروح غيره ثقيله
كل راع تكسي شاف زوله سفط له
………………..بلاااش واركب يابو عين كحيله
لاسار كلن في طريقه يعطله
………………..لولا الحيا كان المسدس يشيله
يخيب من جاب الخبير وشرط له
………………..مايجيب راسه غير واحد مثيله
من صاد بعيونه يعدون خطله
………………..كل من يشوفه ينلعن سلسبيله