أكذب عليك إن قلت بالبال مريت
أو لي على الماضي وطاريك نيه
بس أذكر أني يوم طروك فزيت
وفز الخفوق اللي جروحه ندية
مدري غلا ولا أنا يوم ضحيت
نسيت كل جروح قلب خفيه
عطيتك إحساسي على ما تمنيت
عطيت والله ما حسبت العطية
يوم رماد الشوق بالجرح غطيت
وتحت الرماد النار بالجوف حيه
حاولت أصد وكل ماعنك صديت
ترجع لك الأشواق ياهي وفيه
وتشيل عني كل هم تحريت
ولا الجروح أجروح تقسى عليه
أدري بكل أشواق قلبي تماديت
ضحيت لجلك لين صرت الضحية
شكرا حبيبي يوم كفيت وفيت
تعال لك مني جروحي هديه
خذ كل ذكرى حب منها تعنيت
وأنا بصير لهم قلبي خويه
ويكفيني أني كل ماقلت ضحيت
ضحيت لجلك لين صرت الضحية