التصنيف: الشعر

طعنتني وقسمت القلب قسمين
قسم يبيك وقسم يرفضك

ذبحتني وخليتني اون ونتين
ونتن تعلمك وونتن تشكرك

اشكرك على ملئ الاملاين من البشر واحذرك
اعلمك تراني ماني من الي تاخذهم شمال ويمين

واحذرك من الكبر تراه شين
ياخذ صاحبه من عالي السما لسابع ارضين ويحطمه

ولكن حبيبي حبي لك اكبر اكبر من الي تملك من الملايين
لالمسته بحسك وجاك وشعرته بقلبك عطاك الين اشبعك

ابفرشلك داخل قلبي وسادتين
وسادة عليها من الورود والزين ووسادة تدفيك وتحضنك

وهذي عيني تراها لك بالجفنين
جفن يحميك وجفن يحرسك

وانا كلي لك وعلى امرك ولكن بالحلال يازين
وترى امقت انا اهل الكبرترى الكبر لله ما اشرك بيه احد من البشر

انا وين وانت وين هذي ماتتمشى مع الدين
ترانا من ادم وحوا لا إنت من النورولاانا خلقت من الحجر

انا حبيبك وانت حبيبي ماتكفي ياكامل الزين
الي يكفي اني اكون معك بشرع الله هذا اقصىما اطمحه

انا حبيتك ويشهد الله جعلت مسكنك داخل العين
وداخل القلب لك عشق مدفون ويتمنى يوصلك

الوصل الحلال ياسيدي هذا مبتغى النفس ياعين
ماهي صعبه وكنت اتمناك تفهم كلامي من اوله

تذكر كلامي ماهو تنقيص بالمقامات ولاتنزيل حاشا لله
مقامك عندي على العين وفوق الراس احمله

منقول

التوقيع :

اخواني وأخواتي أعجبتني هذه القصيده
وأردت أن أنقلها لكم ……………… رغم انني لا أعرف شاعرها

مثل ما نانسي لها طلة جمال
جادلي تملك قصور العاشقين

الجمال اللي يسمونه جماااال
كل عرشه معك يالخشف الرزين

وسلامتكم …………. ويا ليت من يعرف اسم الشاعر يخبرني
أختكم دلال
منقووووووووووول

همني غلطتي وش هي معك
قبل ما أبعد عن حياتك و استخير
يا حياتي إقنعني وأقنعك
بالتفاهم والرضا كل شئ يصير
كان في الخاطر فراق ما أمنعك
عزتي أكبر من الحب الكبير
وكان في الخاطر غرام بتبعك
لك عهد مني نواصل المسير

منقول

اتمني ان تنال علي اعجابكم

بسم الله الرحمن الرحيم

هذه القصيده / مهداه من الشاعر / ماجد ابن ناصر ابن بدر ابن عقيل الدعجاني بمناسبة ملتقى مزاين قبيلة عتيبه (الهيلا) للإبل والقيت في حفل الشيخ / غايب ابن عقيل لقبائل قبيلة عتيبه يوم الثلاثاء الموافق 11/10/1428 ه اعزائي الاعضاء لا اطيل عليكم واليكم القصيده واتمنى ان تنال على رضائكم …::

بسم الله الرحمن في مبتدأ القول
الواحد المعبود جلا جلاله
ياحي يا قيوم ذا الحول والطول
يامنفرد بسمى الكمال بكماله
أسالك التوفيق ياخير مسئول
وأعوذبك من كل جهل وضلاله
العيد عاد وياعسى الصوم مقبول
واليوم عيد تو هلا هلاله
عيد يعيدبه من الحول للحول
على عتيبه فرحته وابتهاله
عيد مدى الايام ماهوب مجهول
ويكتب على التاريخ بفضل مقاله
ماهوب بس مزاين نياق وفحول
ننقل لكل الناس عنئ رساله
لطامة العايل وذباحة الحول
هيلا مثل نو ترزم خياله
تاريخنا ومجادنا خير مدلول
ولا سكنا نجد فضل وجماله
يا نجد نبغى منك ولياك منزول
بقطعان بدو ما تهاب الشكاله
وشلنا القبايل شيل سيل لغرمول
يهيل جاله لين يدني زواله
ياما هقى فينا نعاتيت وزحول
وراحو ضحايا حرب ولا ذلاله
الله خلقنا نعتلي كل مقلول
واللاش عينه ما تعدى ضلاله
ويفرح بنا الطرقي ليا قال لاحول
في ليل برد مايسره جلاله
نعطيه در أفواق وضح كما اللول
وتمر قدوع له وكبش عشاله
عشنا كذا ماغير سلومنا الهول
نصبر على ميل الزمان وعداله
إلين جاء علم من الشرق منقول
علم ذكر عبد العزيز ورجاله
عبد العزيز الي به الجهل مقتول
مغير الاحوال حاله بحاله
أليا زعل يروي شبا كل مسلول
وليا رضى من زل يرفع خماله
قمنا معه برجال وسنان وخيول
نشيد حكم ساس دين وعداله
إلين تم الحكم وبليس مخذول
حكم عسانا ما ندور بداله
ما عهدنا بيام وشهور ويزول
جدي مع المسس وانا مع عياله
وفدي المليك بكل مملك وما نول
خادم بيوت الله حنا فداله
ملك ملك في شخصه الخير مأمول
دوله وشعب معلق فيه آماله
له نظرة يرسم بها أهداف وحلول
وله قلب كل الشعب بالحب شاله
وله سطوة تخلف مفاهيم وعقول
وله قالة تصغر بها كل قاله
حكم بعبدالله وسلطان مشيول
بين الجدي وسهيل هذا مجاله
ذولا الرجال اللي لهم فضل وفعول
يالله لا تخلي الوطن من جباله
سلطان مثل المعتلي نايف الطول
ومن ضدته سود الليالي لجاله
مزبن ذرى بالجود والناس مأهول
فيه السخى والعطف فيه الجزاله
معمور يا بيت من الناس مدهول
وتعيش يا كف ذهاب لماله
كفه وصابيعه لها نو وثعول
هو عون من تقصر عن الماء حباله
غيث على دربه مرابيع وسيول
مثل الحيا من جاه علمه عناله
سلطان ابو قلب على الطيب مجبول
والمدح والتقدير والنعم ناله
ما مثل حاتم في زمانه ولا زول
وسلطان مثله في زمانه لحاله

وسلامتكم ..