التصنيف: الشعر

انا ماهمني الدنيا ولا همي متاعبها=مدام اني بها عايش ودايم مستريح البال
مريسي وافتخر باصلي وعارف كيف احسبها=ومن ارض العرب اصلي وباصلي تضرب الامثال
انا ماهمني شاعر بحروف قام يكتبها=لني عارف المغزى ولا يعجبني الغربال
واذا ودي اخربها اكيد اني بخربها=ولكن مالتفت للي يسوي روحه برجال
مدام ابوي رباني بشرقها وغربها=وعارف كيف اتعامل مع الموقف وقيل وقال
انا ماخاف اعدائي ولو تكبر شواربها=كثير اذناب تتخفى ورى غتره ولبس اعقال
واذا زادت بلاويها اكيد اني بأدبها=واسويهم حطب واوقد فناجين الغلا ودلال
ولاتغريني الدنيا ولا حتى مناصبها=ولا اركض ورى الشهره ولا بيها تجي بأذلال
ولا بالعب على المراءه واقول اني ابا اخطبها=ولا اتسلى بعواطفها واسويها مثل تمثال
وامشيها على كيفي وابعدها واقربها =واعيشها حلم كاذب واسليها بلعب عيال
وقدام البشر اكذب واسميها والقبها =اميرة حبي الاعظم وانا بعيونها محتال
ابد لا يمكن اتخيل انا في يوم اعذبها=لاني عارف حقوقي وعارف كيف ستر الحال
مع الفزعات تلقاني واقدرها واوجبها=واقدر من يقدرني ولو حمله يهز جبال
ولا صدق علوم الهرج ولا يمكن اكذبها=لاني لازم اتأكد وارد الفعل بالاعمال
علومي طيبه دايم وقلبي من يطيبها=ولا تتغير اخلاقي قصر فيني الزمن او طال
مدام الشعر يسكني وقيفانه انا اشربها=ابكتب شعر من قلبي عشان تردده اجيال
واصيغ حروف من فكري وازينها بأعذبها=واخلي الكل يسمعها كما نسمع صدى الموال
ولوتبعدني الدنيا مسافاتي تقربها=الى من تستقر روحي بدنيا طيبين الفال
واكون الشاعر الاول لبنت الشعر واعجبها=وألملم باقي انفاس القصيد بغربة الترحال

سبحان الله و بحمده

:

فداك القلب ياعمري وكل مملك ترى يفداك
فدتك احلامنا الحلوه فداك الحب وشجانه

فدتك احزان وعيونا تهل الدمع من فرقاك
فدتك الروح ياروحي فداك الدمع وعيانه

رسمتك حلم قدامي بقلبا عاشقا يهواك
وباعيش العمر فدوه لعين الحب واحزانه

انا ماهمت بدروبك عشان ابقى على ذكراك
انا جيتك امل يمشي بروح الحب وحنانه

خذ مني جنون الشوق وقلبا صادقا لك جاك
يبي يشكي لك همومه وقصة حب خلانه

خذ اللي فات من عمري وكل اللي بقى ينصاك
يبيك احلى قمر يمشي على سطره وقيفانه

انا من عاش في همه وبأشواقه تعب يلقاك
عيونه من كبر همه تبات الليل سهرانه

كتب حرفه لجل حبك ولا فكرابد ينساك
رسمك احلى قمر يسكن وسط قلبه ووجدانه

اغليك قلتها كلمه صداها محتضن دنياك
ورب الكون ياعمري عليك الروح ولهانه

:

م/ن

إصرار على تخريب اللغة.

إلحاح على العولمة

but

يمكن ان تكون قافية جميلة

وما أطول عليكم

إليكم القصيدة:

أيا ذا القلب لا تحزن فذاك الحب Infection

فلن تجدي عقاقير ولن تشفيك ال Injection

فكم من عاقل فطن مضى بالحب Direction

ستنكره وتنساه ولن يبقى له Mention

فلا تنظم له شعرا ولا تكتب له Section

ولا يحزنك من باعك فقد أخطأت بال Selection

ولا تبدي له أسفا ولا تبدي له action

فإن الحب منزلة لبعض الناس exception

فبعض الناس إن هجروا فلا حزن ولا tension

وبعض الناس إن هجروا يظل ويبقى connection

فوصل الروح له فعل وما أحلاه reaction

بدعوات بقلب دجى لها أثر و affection

فان لم يبق لي شيئ فلا حب و لا Passion

فلا أسف على دنيا لك وعليك conversion
=====================
infection = عدوى
injection = تطعيم
Direction = اتجاه
Mention = ذكر
Section = قسم
Selection = اختيار
action = فعل
exception = استثناء
tension = توتر
connection = اتصال
reaction = رد فعل
affection = حب, مودة, حنان
Passion = غرام عنيف
conversion = تحويل
=======================
منقوووول

تحياتي اخوكم المبتسم

سبحان الله و بحمده

هو مهديا لنوره وانا اهديها لكل نوره

نورة ويبدى بالسما نور براق

وتطفى بطاريها بقلبى حرايق

نورة وزهر الورد للورد ينساق

ياوردة تقتل جميع الحدايق

نورة يا عطر ما ورد كل الاسواق

سمي بنورة بس والاسم لايق

نورة وشمس الشعر تبدى بالاشراق

وبحسنها فن القصايد وثايق

أبديبها بالزين وألا بالاخلاق

ياليتها فى جوف قلبى توايق

يمشيلها قلبى قبل يمشى الساق

ولشوفها يسوقنى دوم سايق

وشلون أفارقها وانا ميت أفراق

مأقوى مفارقها ولو هى دقايق

قولولها مشتاق أنا موت مشتاق

الكون فى عينى من الحزن ضايق

حبل الوفا فى وصلها صار ميثاق

إلها بعيش العمر ماني ببايق

أخفى دموعى لكن الدمع حراق

لا حل طاريها تبين الحقايق

متشرب صدرى هواها بالاعماق

ولعطرها يأخذنى القلب تايق

كتبتها بالاسم فى بيض الاوراق

ولصدها كتبت مانى بطايق

أقبل حروف الاسامى ليا ضاق

صدرى ومنها يصبح الصدر رايق

نورة وباقى البيض بألفين طقاق

فدوة لعينيها جميع الخلايق

سبحان الله و بحمده

دايم على النت متواجد
وبيني وبينك قطعت الخط
الان حدد لبن وارد
دام المسائل مقام وبسط

سبحان الله و بحمده

السلام عليكم وكل عام وانتم بألف خير
.
.
هذه آخر ماكتبت اتمنى تعجبكم
.
.
تقول خطله.. قلت ماهيب خطله
………………..نظرتك شف قلبي لعنت سلسبيله
طلعت صدفه أحسبه يوم عطله
………………..طلع علي ولاتركلي وسيله
أهل المدارس حبكم مانبطله
………………..تسلون واحنا الهم كللللله نشيله
ارسم على شوفه بليلي واخط له
………………..يضيع كل حل وادور بديله
أشيل حرف وحرف ثاني أحط له
………………..دخيل رب البيت منه دخيله
ياليت اعرفه ياعرب وارتبط له
………………..امشي معه لوهي دروبه طويله
معاه قلبي مدري ليه انبسط له
………………..خفيف نفس وروح غيره ثقيله
كل راع تكسي شاف زوله سفط له
………………..بلاااش واركب يابو عين كحيله
لاسار كلن في طريقه يعطله
………………..لولا الحيا كان المسدس يشيله
يخيب من جاب الخبير وشرط له
………………..مايجيب راسه غير واحد مثيله
من صاد بعيونه يعدون خطله
………………..كل من يشوفه ينلعن سلسبيله

سبحان الله و بحمده

وش غيرك..؟؟!!

أوعدك يامن عني تخليت —- لا بد لك في يوم تحزن بعادي
أنا على عهدي وبصدقي تعاطيت —- لكنك انت اللي قطعته ودادي
وش غيرك يومي أنا بجد هاويك —- كنت منى قلبي وكنت مرادي
أحكي لك بهمسي وبالصوت أداريك —- خوف أجرح إحساسك بليا إعتمادي
غلطتك انت حرفت مباديك —- وخذاك مني على التوه وادي
لياك ترجع لي وتحكي عذاريك —- يكفي إنك إنت اللي قد أصبحت بادي
اليوم تضحك وبكرى يبكيك —- وقت مع الأيام تشكي الوحادي
تعرف قدر منهو يحبك ويغليك —- مطيع لك مخلص بليا عنادي
إن كان ربي كاتب لك أراضيك —- هذا عطاء منهو له إحنا عبادي
وان كان كاتب لك بالعمر يشقيك —- النار تارث عقب شعلة رمادي
لاعاد تطريني ولا عاد أنا أطريك —- لامني زادك ولا منك زادي
مالك سوى ناااار على القلب تكويك —- حتى تحس بلوعتي وإزدهادي
في خاطري بالحيل قطعت مساعيك —- كنك علي حلم لفاني برقادي
واليوم مثل الغريب إنت أساويك —- أجهل لك الكلمة لو إنك تنادي
إنت بظلام وظلمته في حشاويك —- أطفيتها شموع كانت لك وقادي
طبعك تبيع اللي من الناس يشريك —- أهل القلوب اللي تجدهم مبادي
الله أخذ منك ولا كنه معطيك —- حسن الجمال وصيغته بزديادي
فيك المرض شخصي ولا من يداوك —- مغرور في علتك زود تمادي
ماظن حاسدك ولا أظن عاديك —- عش في هيامك على الجهل غادي
من سوء حضك عاذلي شافها فيك —- قل المروة وجدها وجادي
الومك إنت ما لوم واشيك —- كيف إنك بحب العمر بعت فادي
إنسى زماني وأنا بنسى ماضيك —- ذنب إقترفته ترى ماهو عادي

كلمات : مخاوي الليل

سبحان الله و بحمده

مجاراة للشاعر سلطان الهاجري في قصيدته(زينب العسكري)اللي يقول فيها

[COLOR="Magenta"]

مثل تالي النهار اللي تقفاه ليل
والشفق تحت قرص الشمس متبعثري

يالله اني دخيلك يامنجي الدخيل
جعلني دايم متهوم ونا بري

مايذل العزيز ولايعز الذليل
كود مسرى الخطا في ليل ماينسري

حسبنا الله على الظالم ونعم الوكيل
كل ماشفت طلة زينب العسكري

ياوجودي وجود اللي عشق مستحيل
قلت وش تحتري وقال وش تحتري

قلت طرقي ومتغرب وعابر سبيل
والمصيبه هنا يابري حالي بري

والله اني من الوزن الثقيل الثقيل
مير بعض المواقف ماتجري جري

مادري ويش احط ولادري ويش اشيل
بس اغني كذا يالابس الغندري

زينب العسكري BMاخر موديل
ماركه عالميه تتعب المشتري

ومجارات الشاعر سعد الاكلبي

ايها الشاعر اللي ماتجيب الهزيل
والمواضيع عندك بالدبل والثري

لك سلام وتحيه صافيه سلسبيل
عقبها السمن يجري فوق تمر السري

ودي امشي معك لو ان مالي حصيل
غير مانيب من بعض المعاني صري

يوم شفتك تمثل بالكلام الجزيل
يوم شاهدت طلة زينب العسكري

فتنة فالبساط الاخضر المستطيل
خلت اللي مع المضمار يجري جري

مايلوم الدليل يكون ضايع دليل
والحقايق حقايق تكتب وتنقري

لو رآها الفرزدق جر صوت طويل
وجاوب الصوت ابوتمام والبحتري

لااقبلت كنها جو الصباح العليل
ناطحتها الهبوب وعرشها منفري

من نظرها على الشاشه دموعه تسيل
وقال ياناس انا متجوز عسكري

كل يوم تمشى في جنازة قتيل
والضحايا جماهير تحب العري

حسبنا الله على الظالم ونعم الوكيل
قالها الاكلبي يوم قالها الهاجري

منقووول[/COLOR]

سبحان الله و بحمده

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..
الأيام
حسبي على الأيام لا فرقت بين المحبين ==تعلن فراق الروح تعلن على قلبي وداعه
تحكم على روح المحبه قهر ودموع بلعين==من إنسكابات العيون الدمع يحمل متاعه
دمعن يسوقه خاطري بالجفا معه القسى لين==يشكي عنى شوق المحبه بحبن من شعاعه
اه من هوى حبه فقلب الحشاياوالشرايين ==داخل مضخاته وريدي ونبضي في ضلاعه
نسمة هواها داخلي والغلا يزرع بساتين ==يقطف ثمرها ويتل الروح يا محلا طباعه
لا يا زمن كافي قهر لا تجادل والقسى شين==هاك العمر واللي مضى قد مضى رغم الشجاعه
ياروح روحي لا تروحي وعودي لاتقولين==هاذا القدر لابد يفرق محبينه خداعه
لاحت بروقن في سمانا وكم لاحت ميادين==عمر المحبه ياقمر ماتضيعها الجزاعه
قلبن على صمت الليالي تغنى للعناوين==لابد زمانه يذكره للملا سمعن وطاعه

للاستماع

http://www.youtube.com/watch?v=NNIx7wwgZmE

قلمي
ماجد محمد المطيري

ارجو عدم النقل الا بذكر الكاتب
و لا احلل من ينقلها بدون ذكر كاتبها

محبتي

10- 4 -2017 ميلادي .. 6 / 5 / 1445هجري

سبحان الله و بحمده

يا لوعتي

يا لوعة الساهر العجول
والدمع دوما لفي هطول

في معبدي حائر حزين
مستوحش ليلة الرحيل

كم أهلكتني ظنون قلب
هل من جواب ومن دليل؟!

تقضي على غيرتي بلوم
والسحر في قدك الجميل!

لي قصة في هوى الحبيب
وشوق قلبي زكي المسيل

بي لهفة العاشق الصدوق
والبعد سهم على عليل

كم طاردتني سهام شوق
فهل بكيتم على قتيل!

بالحب أمضي إلى يقيني
ولم أكن منصفا عزولي

ما غاب دوما له دبيب
إن فاتني فاتني خليلي

والحب يبقى ندى ظامئ
والشوق آهة من هديل

بالله يا هاجر الديار
تحنو على عاشق ذليل

إني هنا ساهر بشوق
فهاد قلبي بحب أصيل

واجعل لقاء القلوب نورا
وكفى سهاد الجوى الثقيل

اختيار من ديواني / واحة من الحب
محمد جنيدي