انا وش حاجتي في القلب لا منك تركتيني….
خذي قلبي وخليني بأعيش العمر من دونه
اذا انتي كل ماغبتي عن عيوني وحشتيني….
أجل وشلون لا طال الفراق وخيم سكونه
جرحتك ألف مره وأتضايق لو جرحتيني….
وش اللي في يديني والمشاعر غصب مسجونه
ماهو ذنبك ولا ذنبي ولكنك عرفتيني…
أحبك حب مافي الكون لا شكله ولا لونه
حياتي صدقيني لو ما أحس انك فهمتيني…
لاقول ان الهوى كذاب والأيام مجنونه
مادام انك على وضح النقا لهفه قريتيني…
انا اللي ماقريتك غير صدق تورق غصونه
انا لايمكن انسى يوم جيتيني وأخذتيني…
من احزاني ودمعاتي وقلب تكثر طعونه
وانا لايمكن انسى يوم بيدينك حضنتيني…
وناديتك(هلا)يا سلوة المشتاق وعيونه
وانا لايمكن انسى يوم بدموعك بكيتيني…
وحسيت بمشاعر صادقه في القلب مدفونه
وانا لايمكن انسى يوم زليت وعذرتيني
وحسيت بشعور زلزل الوجدان وركونه
تعالي طلبتك وشلون ابحيا لو تركتيني…
خذيني دام قلبي صعب أعيش العمر من دونه[[ وسلامتكم ]]
وكل عام وانتم بألف خير
منقول..
التصنيفات
