التصنيف: الشعر

غلطة عمر
من بعدها مات الامل
ضاع الصبر
غلطة وكنت أنت السبب
أمنتك بعمري وضيعته هدر
وتريدني بعد الي جرى؟
ودمعي على خدي جرى
!!تقدر تساومني بعتب

لاتعتذر
مالك عذر
قضيت أنا عمري معك
خنت الوعود وبعتني
ياكم قلبي يسمعك
مره ولا سمعتني
خليت روحي تحترق
دخان باقي من ورق
واليوم جاي وتحتسب
أرجوك يكفيني غدر

تبيعني بأرخص ثمن
وأرد أنا أشريك بالذهب
كانت عيونك لي وطن
الماي وأنت العشب
تزعل .. أصالحك بعجل
تيأس .. وأصبرك بأمل
تتعب .. وأحطك لي كحل
بعيني ولا يشكي الهدب
وخذلتني بلمح البصر
غلطه وأسف وأنت وانا
كنا بسبب غلطة عمر

منقووول

سبحان الله و بحمده

شتتني ضحكة الخد الخجول
واذبحتني العين والرمش الطويل

واعجبتني مشية الريم الجفول
واتركتني احترق في كل ليل

والله اني تهت مع زين الدلول
في صحاري التيه ابغالي دليل

ما تكفيها الوصايف والمثول
ما لها بالكون في ظني مثيل

عمت في بحر الهوى عرض وطول
وأثر درب الحب مشواره طويل

وكان جا للزين رغبات وميول
بترك المجمول وبكيفه يميل

وكان عنده لي تفاسير وحلول
حالف ما ارضى بحكمه مستحيل

وان بغى شئ ووده لي يقول
ودي يقوله بس غير الرحيل

– من اوراقي الباليه اخترت هذه الكلمات واتمنى ان تكون معبره….

ودمتم

سبحان الله و بحمده

عظيمه قولة أحبك
بين عيونك وبيني
وبين فتونك وبيني
يخلي نبضك الولهان
يسافر في شراييني
يخلي صوتك الشفقان
بلا خوف يناديني

حديث الصمت به تعلمت …
وشلون أتعدى مساحات العمر كله
وأسابق مستوى التفكير وأشيله
وأفكك لغزك المدفون وأحله

ترى علمي وكل العلم
قطرة من بحر علمك
وترى عدلك وكل العدل
ثواني في زمن ظلمك

أنا ماأقووووووووووووول
أحبك

قديمه قولة … أحبك
عقيمه قولة … أحبك
يتيمه قولة … أحبك

سخيفه مالها معنى ولا مضمون
سخيفه كنها شمعه بوسط الكون

تعديت الهوى والحب
أنا في مرحلة لا حب

تفوق الحب …
والتوصيف …
والتحريف …
والتخريف …

أحبك … كلمة ماتوفي
سنين من الوله والشوق
أحبك … كل مافيني
يرددها … يغنيها

أحبك … آه لو تدري
عن اللي بداخلي من شوق
أحبك … يابعد عمري
أحبك … يابعد من لي

*****************

أتمنى ان تنال على إعجابكم
منقول

سبحان الله و بحمده

اشعار وصور
للشاعر حسين الساعدي

طر كبرك حبيبي وكوم وياي
دز خطابتك يا احله عاشق!
أمس عاتبت ابوي اتندم اهواي
وحلف بالله إذا ترجع يوافق!

——————–

خاويت التعب والوالي مفقود!
بس حب العزيزه ابكلبي مزروع
طريات وكمت قويت الزنود
ولا امي العزيزه اتموت بالجوع!!

———-

ابشرك دكت ادفوف العواذل!
كالوا راح منه وهاي هيه
ودكتهم مثل ضرب القنابل
يعني الصبح متلحك عليه!!

—————–

مديرة مدرستنه اتهدد اهواي!
ورادت ولي أمري اشلون حيره!
لقبر أمي وأبوي امشيت عناي
عسى ايطلعولي الهاي المديره!
———-

تعال احسب دمع والحاسبه اوياك
وإذا تيهت بالعد عيد الدموع
صدك يوم الخميس انحرم ملكاك!
عسى الخميس ما خلوه بالاسبوع

————————

لتصدك الخانت قبلك انسان
لو حضن ابحضن تحلفلك اوياك
شوف اعيونهه مرسومه ليوين!
ويه يا بشر تتغازل اهناك!!!

————————–

اشوكت نرجع اطفال ونلعب العاب
ااشنسينه الما لعبناها ابزغرنه!
نطب بيت البيوت اويه الهوى الهاب
ونكل للزمن وكف عمرنه!!!

—————————

لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!

——————-

تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته متعوب!
وعلى حالي بجت حتى النوارس

————

اسمعت عنك مريض وصرت دكتور
طيبتك رغم كل المأسي
راسك طاب انته ومابقه ايدور
بس اني الطحت يوجعني راسي

———————————

تتوقع إذا ما تكتب اوياي
اتنازل ودزلك رساله!
لا والله إذا تبقى اعله هالراي
الغي الخاص احط مغلق بداله

———————-

الوطن لو تبجي عينه لا تلومه
على المافرحت وضلت حزينه
فدوه الها شلع كل الحكومه
هاي امنا العراقيه الحنينه


مع تحيات
الشاعر حسين الساعدي

منقوووول

سبحان الله و بحمده

على الله يامشاوير الضياع وعثرة الاقدام
…………….يعين الله على عوج الدروب وباقي ايامي!!

على الله كل ماشان الزمان !!وخانت الايام
…………….على الله كل مااشوف الطريق يضيق قدامي

على الله كل ماصدري يضيق وخاطري ينضام
…………….على الله.. كل ليله حزنها يعزف على انغامي

مقدر ياشقى عمري اسير برحلة الاعدام
…………….واضم بداخلي نار الخفوق وجمرها حامي

حزين.. ولامعي غير الجرووح.. ولوعة الاعوام
…………….على وجهي تقاسيم الضياع ..ونكبة اعوامي

حياتي كلها رحلة غموض .. ونقطة استفهام؟
……………. طلاسم خطها كف الزمان.. لعثرة اقدامي

بقالي من مسافات السنين المقفيات حطام
…………….بقايا امنيات.. وحسرتين "بسلة حطامي "

بقايا طفل رافقه الشقا من يوم عمره عام
…………….تحدته الليالي والظروف وعاش منظامي

غرير لاكسى الكون الظلام.. اطفى السراج ونام
…………….وصحى يحلم متى اكبر.. كبر ابويوباقي اعمامي

عنيد.. ليا زعل شق الكتاب.. وكسر المرسام
…………….وجلس يصرخ عبث .. وين الكتاب؟ووين مرسامي

شجاع ..!! مارضى يصبح ذليل ولارضى ينظام
…………….رغم "كبر الظروف" وصغر سنه "موقفه سامي"

قدر يرسم بصفحة دفتره ( قلب) و (وطن) و (اعلام)
…………….وكتب فوق العلم [عاش الوطن في ظل حكامي]

حفظ من ربك؟ الله لاسواه!! ودينك؟ الاسلام
…………….ونبيك؟ هو رسول الله محمد خير الانامي

يمر العمر وتمر السنين برحله الآلآم
…………….وجروحي تشرب اوجاع العذاب وخافقي ظامي

كبرت .. وكبر همي .. والجروح وكبرت الاحلام
…………….وطموحي هو طموحي يازمن واوهامي اوهامي

نسف كف القدر رجم الطموح وبعثر الاوهاااام
…………….وتلاشت مابقى غير القصيد .. وجرة اقلامي

منقوله

سبحان الله و بحمده

سارت وانا عيني تراقب خطاها .. خطوة تسوق الخطوة بهون وركود

يوم حضرت غاب القمر من سماها .. واللي بقى من نجومها بقل معدود

زين الوصايف والحسن اكتساها .. شقرا وفيها من الحلا ماله حدود

لاعتني بنظره وبعد ما كفاها .. حطت بجوفي من الجمر شوق موقود

شامة تعلا ثغرها من حلاها .. تضفي على نور الحسن نور مردود

صابتني بداها ونفسي دواها .. امن العيون السود ادواي منشود

اهاوده قلب انشغف في هواها .. متحمله صار الصبر منه مفقود

عزاه نفسي صابها ما طواها .. طي الورق رطبن مقطوف من عود

حق الله اعلم في الحشى وش غلاها .. تضحك لها عيني ولو كنت مزهود

الناس ماتدري بروحي وخفاها .. يكفي اجنب نفسي عن كل منقود

من كلمات الشاعر / مخاوي الليل

تحياااااتي لكم ؛؛؛

سبحان الله و بحمده

قالت يا ضايق الصدر بالله وش فيك ************ قلت حب بقلبي فيه ربي بلاني

قلت لا تكدر خاطرك الله يخليك ************ العشق لعبه مابين مازح وعاني

صدوق الوقت لا بد في يوم يوريك ************ بعض الكذب ون طال شرح المعاني

ياصاحبي ون بعت في يوم شاريك ************ ادرك ما بقى منه ترى العمر فاني

يطول الوقت عنك واجيك ناسيك ************ واتحمد الرحمن واحسب انه شفاني

اثر حبك مسلك القلب تسليك ************ ومهما تناسيت اشوفك بالنوم حلماني

مابغتني دنيتك يوم القلب باغيك ************ ولا طاعني الحظ يوم ضحك لي زماني

صدفه تلاقينا واليوم صدفه بخليك *********** ون ضاقت بك دنيتك تبي تعرف مكاني

منقووووول

صح بعيد بس الحب ما تهمه المسافات
لحبك اعشقت وادمنت واتحملت كل الاتهامات
تعذبني حيل حسرات وتقطع بصدري الاهات
حزين ويم اشوفك الدنيا بس ابتسامات
انته الي قتلت قلبي وبادله وبصمات
كل صبح وكل مساء ارسل لروحك سلامات
اضل احبك واتمنى قربك رغم الاشاعات

السلام عليكم ورحمة الله وبركاته..

صداقتن تمشي من أجل المصالح . .مالي بها لو كنت أمشي بروحي

ياقلب لايهمك لمن كان جارح.. أبتركه وماعاد تبغيه روحي

أبنصحك إن كنت تسمع نصايح. .من تجربة عشتها وفيها ببوحي

صديقك اللي تظنه شخص صالح. . وتشوفه إنه يشتريك وبك طموحي

لاتنخدع لو شفت الغلا برق لايح.. واعرف ترى من بالمشاعر شحوحي

لوكنت تعطيه ولخطاياه دامح. . مايبين بعينه لوإنك سموحي

يطعنك في ظهرك ويجر الفضايح.. واللي يضرك لاتفكر له تروحي

قد قاله النبي اللي للكذب ماسح.. بمعناه ما ننلدغ من جحر ثم له نروحي

والشعر بليا ردود ماهوب مالح..واحترامي للجميع وياريحة المسك فوحي

منقول..

قالت أمانه وش بي بجد عاجبك
لا تقول عاجبني جمالك ولونك

مليت هالنغمه أبي شي يجذبك
تحس به فيني يحرك شجونك

مابي تجاملني وعينك تكذبك
جاوبني كن الناس جو يسألونك

قلت ابشري يا طلة الصبح اجاوبك
واسخر احروفي شعر ويحكونك

غصبن على راشد ينفذ مطالبك
ياللي زرعتي في خفوقه غصونك

لو فيه اشوف اشيا بعيني تعيبك
كان اصرفتني لاتتبع فتونك

مير البلا مافيه شين يعذربك
زينك جعل كل البني يحسدونك

يكفي إلى من قمت اسولف واداعبك
اشم في عودك نوادر دخونك

وبك شارتن دايم لقلبي تقربك
(الضحكه) اللي وسعت بي طعونك

ياما ابحرت بي لين مرفأ شفايفك
والى بغيت ارسي تقولين دونك

يازين شعرك لانتثر فوق حاجبك
وقامت يدينك تفهقه عن عيونك

عندي نصيحه كان لاهل يتعبك
هزي براسك يحضننه متونك

وان صار في طوله وكثره يغلبك
خوذي يديني عنك ويساعدونك

عساني بوصفي عقب هذي اعجبك
يافاتنتني في جمالك ولونك

للشاعر/راشد السكران

سبحان الله و بحمده