التصنيف: الشعر

علمتني في غيبتك معنى الصدود فوق الظروف وما تخيلت البعاد
علمتني وشلون اشتاق لك زود ومن كثر شوقي لك على الموت وراد
يا نجدي اللي من عرفنا بها جدود ما لذ لي عيش(ن) ولا طاب مرقاد
تغوص في نفسي طموحات وعقود يغتابها وجهي اذا الغير نشاد
وتحدني عوج الليالي عن الفود واصبر لها مثل الفلاحي بلا زاد
سعاد انا محتاج من عدة عقود صدرك وجود(ن) لي وضمتك ميلاد
يا سيدة عصري تملكني الكود عقبك حياتي للحزن ظل منقاد
ودي اكون الطير وعيونك حدود ماكان تمنعني مسافات وبلاد
مير الزمان اللي ولد حلم موؤود كن الهبايب تصطفق به والاذواد
علمتني وشعاد والحزن مقدود والصدر خاوي من الحب وشعاد

ملطوووووش

سبحان الله و بحمده

اقلط هلا بك مرحبا بالقلب منزالك
لك ماتبي تامربعد حيي وحييني
.
هلا وماحد بالغلا له ربع ماطالك
خذيت كل الحب ياغال العزيزيني
.
نوختني لك بالغلا تامر ونرقى لك
انا وقلبي لك وخاف الروح وافيني
.
اطلب تدلل سيدي ياتيك منوالك
والله لااقدم لك حياتي لاجل ترضيني
.
بي شوق لك ضاها جميع الشوق ينخى لك
اطفه ومد الكف واجمع شمل قلبيني
.
الحب واهيامي ترجوا رية ازلالك
يبون بل الريق منك وليت ترويني
.
مع مبسم من شاف ضيقه حسبة الهالك
به سلسبيل من رشف منه نسى البيني
.
ومجدل كاسيك ضلمة ليلي الحالك
مع غرة جل المصور هي منى عيني
.
خدك وقدك والبواقي شف خيالك
ياليت لو رشمتك بيدي ماتخليني
.
ارحم عظيم الشوق في قلب تعنى لك
موتي جفاك وفي وصالك تسعد سنيني
.
ادري بعيد القاك وادري صعب منوالك
وادري محال الوصل وادري صعب تلفيني
.
لاشك اماني قلتها عل السعد فالك
والوصل لو هو بالحروف ارسل وتاتيني
.
كلي لهب وانته مطفي نار ذلالك
وكلي وله وانت الرجى ليتك تعانيني
.
هذا رجى من نوخ ركابه على جالك
يطلبك ياأصدق غلا للقلب تعطيني
.
.

بقلمي

أورنس

سبحان الله و بحمده

​رقـــــــــص وجاب الوناسه
نور واحي العزيمــــــــــــه
هــــــــــــــــز جيده وراسه
وخلى للحــــــــــــــفل قيمه
على خده الورد باســـــــــه
والعشـــــــــق عاهه قديمه

فستانه صغير جدا مقاســـه
وعـــــلاقته بالتثني حميمه
من شافه نسى اهله وناسه
ويمكـن يرتكب له جريمه
لابد له من حــــــــــراسه
جمالـــــه خصمه غريمه
سلسال بجيده وماســــــه
واحلــــــى عرضا يقيمه
بعض الهــــوى انتكاسه
وكل العطر فــــي نسيمه
جمهوره صفق وبحماسه
والبعض كـــــال الشتيمه
بقلم /أحمد الغانم=الأدغم

سبحان الله و بحمده

شبعنا من كلام الحب ويش الجديد
أحبك ، أهواك ، كلها قديمة معاني

نجدد حبنا ولكن نفس كلامنا نعيد
مااستفدنا من حبنا أول ولا ثاني

أبغى كلام يحرك شعور البليد
يهز جبال لاقلت الغضي جاني

ودي حروف لاجيت انطقها ، حديد
كل حرف منها يبني لوحده أماني

اللي أنـــا ودي واللي أنـــا أريـــد
يكون للحب لحن مثل لحن الأغاني

سبحان الله و بحمده

مادري علامك ياهوى بالي تغيرت
…………………….وانا معك بالحب ماني بقاسي
أعيش بحزن لو يوم عني تأخرت
……………………….وأقول وينك يابعد كل ناسي
زرعت اللغم في وسط قلبي وفجرت
………………لاحب ولاكره وخليتي أفقد إحساسي
ياما على اغيابك تحملت وتصبرت
……………….غير المعزه قدرك شايله فوق راسي
يمكن لقيتوا غيرنا في حبه إحترت
……………….خلك على واحد قبل ماتذوق المآسي

السحاب(الساري)

سبحان الله و بحمده

لو مابقى في خاطري غير الاطلال نفسي بلياك العزى مايفيده
مدري متى صدمات الايام تنزال ومدري متى الشي البعيد استعيده
في فضح حبك يوم بعدك عني طال واجتاحت فؤادي هموم عديده
حاولت اقاومها على شت الاشكال واكسر جماح اعتى الظروف العنيده
وحاولت ابدل حال الاحزان في حال حزن رسخ فيني سنين مديده
وحاولت عنك ابي اشغل واشغل البال لكن لي الايام طيفك تعيده
وحاولت اغير سيرتك عبر الامثال والقاك سبت دافعي للقصيده
وحاولت لكن مابقى شي ينقال وانتي عن عيوني سنين بعيده

منقوله

سبحان الله و بحمده

إني صحبت أناسا ما لهم عدد .
وكنت أحسب أني قد ملأت يدي

لما بلوت إخلائي وجدتهم كالدهر .
في الغدر لم يبقوا علي أحد

إن غبت عنهم فشر الناس يشتمني .
وإن مرضت فخير الناس لم يعد

وإن رأوني بخير ساءهم فرحي
. وإن رأوني بشر سرهم نكدي

،،،،،،،،،،،،

قنعت بالقوت من زماني .
وصنت نفسي عن الهواني

خوفا من الناس أن يقولوا .
فضل فلان علي فلاني

من كنت عن ماله غنيا .
فلا أبالي إذا جفاني

ومن رآني بعين نقص .
رأيته بالتي رآني

ومن رآني بعين تم .
رأيته كامل المعاني

انارت مكاني ساعة من السهر = عروب كساهاالله احلا تفاصيله
فقلت بشوق تلطفي ايتها المهر = بهمساتك وانفاسك كاننا بخميلة
وهذه الايام بقربك مزدانة الزهر = وتمطرالسحائب فرحىبالاصيلة
فاطربيني لطفا بالصوت بالجهر = فأوتارك تشجيني بانغامك الجميله
احقيقة عشت معك وشربت النهر = ودبت الحياة باضلعي بتلك الوسيلة
احلا وصال حضيت به من شهر = وتمت الفرحة بقربك فاحياة جميلة
بسماتك سحرتني وانسيت القهر = واصبحت جذلانا باالقرب كل ليله
فقربك يحييني ولحظك ينير السهر فأضحىالظلام نهارابانت تفاصيله
اشم عبيرالجنان بمرورك الطهر = واقول لجسمك المعطرامهلني ليله
سبحان من صورك واقول بالجهر = تبارك الخلاق زدني حبا بالجميلة
وقرب اللهم ارض الحبيب المهر = ويسر لي الوصول لها بكل وسيلة

سبحان الله و بحمده

اهلا وسهلا فيكم عشاق القصيد اليكم هذه القصيدة والتي تعبر عن نفسها واعتذر عن اي قصور ولكم الشكر مقدما .

واثقة قالت احب
ايه احب
راحت تغني طرب
ايه احب
ياعجب صارت الحلوة تحب
بس كذا هين كذا
كل حكى نفس الكلام
كل تغنى بالهيام
كل يقول انه يحب
وفي الحقيقة مايحب
هين كذا
كل يقول انه دخل بحر الغرام
وانه كتب احلى كلام
وفي الحقيقة كان واهم
ما قدر انه يساهم
في الهوى ماكان فاهم
كان تايه
ماقدر انه يواجه
الهوى من دون صوت
دايم بسرعة يموت
يعني حبك في النهاية
ينتهي قبل البداية
تدري عاد
ارجع فراشك ونم
صارت القصة حلم
صارت القصة حلم

تحياتي
رفيق الليل

سبحان الله و بحمده