التصنيف: الشعر

**<<((تجي يا رب ))>>**

على الموعد بلهفه جيت ..لا مانع ولاتأخير..
لفيت من العصر هايم مع أن الموعد المغرب..
وجتني بس أنا ما أدري شعرت الجيه هذي غير..
وهي تقرب من عيوني ..شعرت أن الممات أقرب..
وقلت الله يهونها..عسى في جيتك لي خير..
أنا من شفتك أقبلتي وأنا خايف ومستغرب..
على كثرالحكي ما أدري كانه خانها التعبير..
قالت لي جمل وأشياء لا تكتب ولا تعرب..
هدت فجأة تطالعني وأنا في حاجه للتفسير..
لجل نحكي بهدوء أكثر سألت الحلوه :وش تشرب..
وصاحتبي أنا أحبك ولك في هالحشى تقدير..
وتدري أن المثل فينا وفي أحساسنا يضرب..
صحيح أنك "وفي" وأنك "بريء" من تهمة التقصير..
ولكن هذي عوايدهم من أيام وزمن يثرب ..
تكون البنت لابن العم ..ورغبات الكبار تصير..
وتدري الاقربون أولى مع أنك للخفوق أقرب..
وتدري للقدر كلمة لعادات الأهل تأثير..
لذا أرجوك تتركني وأنا من دنيتك بهرب..
شعرت بحكيها كنه قصاص وأمر بالتعزير..
شعرت الدنيا ضاقت بي من المشرق اليا المغرب..
مشت خلت وراها طفل مايدرك وش التدبير..
يحسب أن الغرام أشعار شاعر وأغنية مطرب..
ضحكت وما قدرت أني ألاقي لضحكتي تبرير..
من اللي بوقتنا مره ضحك من لدغة العقرب..
رفضت أستوعب اللي صار ولا استسلمت للتغير..
ثماااااان سنين أجي نفس المكان حزة المغرب..
برغم أن ثمااان سنين جروح وكلفتني كثير..
أنا لليوم أجي وادعي.. تجي يارب ..تجي يارب..

أتمنى إنها تعجبكم
ودمتم ‘

سبحان الله و بحمده

لو مابقى في خاطري غير الاطلال نفسي بلياك العزى مايفيده
مدري متى صدمات الايام تنزال ومدري متى الشي البعيد استعيده
في فضح حبك يوم بعدك عني طال واجتاحت فؤادي هموم عديده
حاولت اقاومها على شت الاشكال واكسر جماح اعتى الظروف العنيده
وحاولت ابدل حال الاحزان في حال حزن رسخ فيني سنين مديده
وحاولت عنك ابي اشغل واشغل البال لكن لي الايام طيفك تعيده
وحاولت اغير سيرتك عبر الامثال والقاك سبت دافعي للقصيده
وحاولت لكن مابقى شي ينقال وانتي عن عيوني سنين بعيده

منقوله

سبحان الله و بحمده

جرحن يسر القلب وجرحن يـذله ..
وطلتن تبري العله وطله تزريك

وبوسه من هنآ الريق صافيه مبتله ..
بالعسل وريح الفل والطيب تبريك

يازين انا في هواك مهتني بآلعله ..
وعسآك لقلبي طآلبن وآنآ ارجيك

دستور شعري ينحني وافيه واتله ..
وينحني شوقي لسمو زولك وطاريك

شفت مني طلب غير اني ابيك؟لآبالله ..
ابيك كلك بزينك وشينك ومافيك

مآقول الا الله يصبر كل قلبن تولع بـ خله ..
ويجعل دروبي عجلتن ل شوف عينيك

هلوشة حرفي (محمد آلدوسري)

سبحان الله و بحمده

انارت مكاني ساعة من السهر = عروب كساهاالله احلا تفاصيله
فقلت بشوق تلطفي ايتها المهر = بهمساتك وانفاسك كاننا بخميلة
وهذه الايام بقربك مزدانة الزهر = وتمطرالسحائب فرحىبالاصيلة
فاطربيني لطفا بالصوت بالجهر = فأوتارك تشجيني بانغامك الجميله
احقيقة عشت معك وشربت النهر = ودبت الحياة باضلعي بتلك الوسيلة
احلا وصال حضيت به من شهر = وتمت الفرحة بقربك فاحياة جميلة
بسماتك سحرتني وانسيت القهر = واصبحت جذلانا باالقرب كل ليله
فقربك يحييني ولحظك ينير السهر فأضحىالظلام نهارابانت تفاصيله
اشم عبيرالجنان بمرورك الطهر = واقول لجسمك المعطرامهلني ليله
سبحان من صورك واقول بالجهر = تبارك الخلاق زدني حبا بالجميلة
وقرب اللهم ارض الحبيب المهر = ويسر لي الوصول لها بكل وسيلة

سبحان الله و بحمده

بسم الله الرحمن الرحيم

لله يومك صغير لو تذكرها

كنت أصغر عيالها وأكبر امانيها

كنك مرايه لها لو ماتناظرها

ماكحلت عينها ولا حنت إيديها

مرت عليها ليالي ماتصورها

لو قلت ماقلت ماصورت ماضيها

واتحملت من همومك في خواطرها

من وين مارحت او ماجيت ماليها

من أول الخطوة اللي في تعثرها

حتى آخر الخطوة اللي تو ماشيها

تسقيك منها وتلعب في ضفايرها

ايدين تروى عروقك من سواقيها

وان نامت الليل صحت لك ضمايرهاتخاف تحتاجها والا تناديها

كم لعبت قد شرتها وانت تكسرها

ومرة ثانيه ترجع وتشريها

تقدر على كل شيء بس خاطرها

مايحتمل دمعة في عين غاليها

ما تذكر دروسك اللي ماتذاكرها

وخوفها وانت وسط البيت ترميها

بشرتها بالنجاح وهل ناظرها

يادمعة للفرح سيلي وضميها

كم ليلة غبتها وابطيت ساهرها

نامت وقامت وخافت من تواليها

تجلس ورى الباب وتقلب ستايرها

وتذوي مثل شمعة بالبيت ناسيها

تذوب واجفف الدمعه على اخرها

ياخوفي انك على هالحال تنهيها

ماهي بحمل السهر حتى تسهرها

اليوم شابت وحق انك تراعيها

ماهو بحق عقب هالعمر تنهرها

لا اطير عنها وريشك حطت ايديها

وليا تزوجت خذ بنت تقدرها

تبر فيها مثل برك وتغليها

حتى لو الزوجة أخطت دون خاطرها

وسوت لها حاجة ماهي بترضيها

قل يامره هذي امي في خواطرها

شيء ولا ودها تقول وماليها

ولا يزعلني الا اللي مزعلها

ولا يعنيني الا اللي معنيها

وشلون ابصبر على اللي مايقدرها

الله لايخلي ترابي من مواطيها

نصيحة قلتها للي تذكرها

الوالدة كلمت صعب معانيها

ياللي عيونك على الجنه تناظرها

طلبك غالي ولكن تحت رجليها

منقوول

سبحان الله و بحمده

الغرابة شفت أبشع صورة ترجمتها الحروف

خلف جدران الحقيقة يستتر شخص نحيف

ما عرف إن الخيانة .. سمها بين الحروف

لين جاه اليوم اللي ينكشف غدر وزيف

لو نطالع للوجيه الضاحكة .. اللي نشوف

سرها أعماق بحر مالها مرسى ورصيف

لا غرابة في زمان … دوم شمسه في كسوف

ولا غرابة في سحابه تحتوي برد وصيف

منقول مع تحياتتي

سبحان الله و بحمده

تركتني من دون سبب…
من ناديتني في ذات مساء وكنت مشتاقة لك
جدابدأت الحديث بشكل طبيعي..
ثم انتهى حديثك بكلمة الفراق..
الفراق نعم حان وقت الفراق..
لماذا؟؟؟
لم تقل؟؟
لم تجب عن اسئلتي؟؟
ومن ثم ذهبت مسرعا..
مبتعدا عن قلبي الحزين..
جلست لةحدي افكر كيف هان عليك حبنا وايامنا؟؟
نويت الفراق والرحيل ولا اعرف السببقمت بتركي ..
حائرة أتساءل عن السببتأملت ساعات وساعات..
ولم استطع ايجاد العذر لكهكذا وبكل بساطة ..
انتهى كل شيصفعتني لحظتها بكل قوة وادرت وجهك ورحلتانا لم اقم بايذائك ..
فلماذا كل هذه القسوة؟؟
اعطيتك كل شيء الحب والحنا ولم ابخل عليك يوماولكن ماذا اعطيتني مقابل ذلك؟؟
البعد والحرمان والقسوةوها هي الايام قد مضت وانا لا استطيع التأقلم مع هذا الوضع الجديدبعدك ألم ..
وفراقك نار..
والحياة بعدك معاناة انتظرتك أن تعود ..
ولكن لا جدوى..
اتفقت أن تكون أنت والزمن ضدي..
اشكرك على كل تلك القسوة ..
أشكرك على قلبك المليء بالهجر..
شكرا
منقوله

بسم الله الرحمن الرحيم

إحساسي اعمى وقلبي يروي الظامي
والشوق أغبى شعـــــور لدرب غاياتي

يالله تجلـــــــــــى عماي وتبري آلامي
ويقوم عقلي يحكم الــــــــروح بسكاتي

تعبت انور ظـــــــــلام الياس باحلامي
واثر العشم كـــــــــاذب والحلم دمعاتي

والحظ حفيت يديه وطـــــــاح ما قامي
وحموله اجمل حيــــــــاتي وابتساماتي

يا عين كفـــــي عناي وحسرتي دامي
مجبور اعيـــــــش بنكد واتنفس آهاتي

شـــــــرع القدر ظالم عجـزوه خدامي
صوت الرجى والعقل والصبر وشفاتي

والله لو في يـــــــــدي والموت قدامي
لا اعطيه عمر الندم والجــــور ومناتي

عمر عبدالمحسن

http://www.youtube.com/watch?v=TnYkzbfzyxg

سبحان الله و بحمده

هود يا راسي ماعلى الدنيا دوام لشباب= فيه الرحيل ياتيك من بعد المشيب
ميز مسير الوقت واعرف خطاك من الصواب = وماتفعله عن عين ربك مايغيب
ماتزرعه تحصد حصيله من ثواب او عقاب = وانته وانا والوقت يجيب اللي يجيب
وان كان منت بذيب ياراسي تعشتك الذياب= وان كان مالك ناب مايفيدك لا عوا ولاقنيب
وان كنت تبغي المضمون من بطن الكتاب = فل كتاب(ن) طواه الوقت وافهم يا لبيب
مافيه بالدنيا سؤال الا تحصل له جواب = الا سؤال الغيب عند رب عالم بكل غيب
العام كنت ابني بيوت(ن) على حد السحاب =ماكنت اضنك يا بن ادم تحوش الا النصيب
اطرد ورا الدنيا مثل طرد الظوامي لشراب = واثرك يا دنيا سراب لابعيد ولا قريب
ياظامن الدنيا ترا الدنيا هجوم وانقلاب = لو صابت اضنونك يدور الوقت واظنونك تخيب
هود ياراسي لو يجيك الشيب في عز الشباب =ماحاصل غير النصيب تشيب ولا ماتشيب

وسلامتكم

شعر اخوكم :
محمد الروقي العتيبي

مع الملاحظة : في مطلع القصيدة كلمة (هود ) تنطق هذه الكلمة بفتح الهاء وضم الواو وتشديد على الدال وهي بمعنى الطمأنيه والاستقرار

سبحان الله و بحمده

عزاك الصمت ياقلبن ضحوك وشاحب محيياك
تكلم لعنبو جد الغرام ولعنبو حيك

ترى قلبك كفاه اللي حصل له والبقى ذكراك
وترى كل الجروح اللي تمررك ماهي بزييك

تكلم للزوايا لانضرها وإحتضن ذكراك
وترى كل الكلام اللي أسولف فيه طارييك

تعب مشيك على درب الوصال وحايرات اخطاك
……تعب قلبك وانا قلبي يهاب النار من فييك

وانا رمشي اظلال وتلحف والجفون اغطاك
وسولف للمسا صبحن يغار ليا بدى ضييك

حبيبي !!!!!!لاتمننع والدعاوي كلها لقياك
تشد الحبل واتفلله ترى الدعوى دعاوييك

؟

ترججع مافقدته بالحياة ومابقى يفداك
لاصار البعد ماتقوى على شوكه مواطييك

رسمتك للهنا وردة تعلمك الحياة اهنااك
وقطفتك للحشا صورة تباهى في موارييك

كتبتك للملا حرفن تفاخربه وجا يزهاك
يسولف للمسا صبحن يغار ليابدى ضييك

(كم انا بحاجه لشي احتويه لشيء افتقده لارغبة)

قلم عايد العنزي

سبحان الله و بحمده