التصنيف: الشعر

اقوم من ليل و اصبح على ليل

مدري من النهار الي يقلون وينه

مشغلني الي مشغل البال بلحيل

واخفت شعاع الشمس غرةجبينه

المترف الي لاعنى بالمظاليل

وأطبق جفونه ما بين عيني وعينه

لاجله تحديت البشر و الذي قال

ولاجله نذرت العمر وأحلى سنينه

طرياه في شعري وصوت المواليل

و أكيد عشاق الهواء سامعينه

وذكراه في بالي و كل التفاصيل

هو بحري المواج وأنا السفينه

أموت به و أموت به سيد الجيل

ويفداه عذال الهواء و سامعينه

خذو النهار و قضبوني يد اليل

مدام ليلي ساكنن وسط عينه

))) ان شاء الله تعجبكم (((

منقوول

قصيدة عن الام

الكعبه بيت الله والوادم تطوف
وامي بعد البيت كون انطوفها

الجنه تحت أجدامها كال الرسول
يعني تمشي اعلا الجنان انشوفها

مستحب اتصلي مو فرض او وجوب
أمي بسم الله وتسببح أجفوفها

أمي حاتم بالكرم لو جانه ضيف
الشيله سفره او ماترد أضيوفها

أمي شط إحساس للوادم تصير
أمي فاضت بالمحنه إجروفها

أمي خلت عينهه بطاست وداع
ومن جزيت الباب بدت شوفها

يمه محروس بعلي وسالم تعود
هاي ايه أشكد عشكت حروفها

أمي وكت العوز وأيام الحصار
تغلي بالمامش غموس اعيونها

أمي دررت غيره من شح الحليب
وبالقناعه ايفيض ظل ماعونها

أمي رحمه أمن الله نزلت للعباد
وياهو يدخل جنة الله ابدونها

أمي لو لولت تنووم الما ينام
فدعه صارت بالنعي ايسمونها

أمي حرمة بيت وكت المستحاة
اوبالمزامط زلمه ويحشمونها

أمي لبست بيتهه ابغيبت ابووي
وامي سهرة بالنطاره اجفونها

أمي من تحزن وجهه اسود يصير
وينخبط دم البواجي ابلونها

يمه يم دافي الحضن وكت الجحيل
ابنار كلبج موكد اتدفينه

يمه يم نسمةهوه لوجانه اب
ابشيلتج حل الربيع ابعينه

البيهه موجلاب اشوفنه الصليب
اولو دعيتي الغايب اترجعينه

انتي باب الله انفتح بجفوف اديج
ومن تطيح اجفوفج اتسدينه

للشاعر كاظم علي الركابي

:
منقول

سبحان الله و بحمده

السلام عليكم ..أضع بين أيديكم قصيده من بوح قلمي البسيط ..وأريد نقدهاا قبل مدحهاا

(جيتك مشتاق)

جيتك مشتاق أضم الريح أغني للوله موال
بعد ذاك الفراق اللي طوى حالي من أسبابه
تسابقني عيوني لك ودمعاتي على الأطلال
على بابه الأمل مرسوم على بابه على بابه
تعالي يأمل بكره تعالي نحقق الأمال
أنا مافيني أتحمل ياليل النجم وشهابه
لقيتك ياوطن عمري يوم أن هذا العمر رحال
سألتك قلبنا الطيب من اللي يسدد أتعابه
وجاوبتي غياب الأمس ورحله والسفر وأميال
ومرسول الغرام اللي يودي الشوق ماجابه

وسلاااااامتكم
أخوكم: مساعد البلوي

السلام عليكم

اتمنى ان تنول اعجابكم

أستاهل اللي صار لي ليه حبيت &&& سجنت نفس قبل كانت طليقة

ما صار صار وواقع ولو تمنيت &&& ولا عاد باقي غير جرح الحقيقة

مفروض من باب الأدب والإتيكيت &&& لاجيت تبعد تلزم أفضل طريقة

مهو كذا طقت براسك وصديت &&& مبسوط واللي هام بك في حريقة

إن كنت مخطي قول لي ويش سويت؟؟ &&& عاتب عتب عاشق يعاتب عشيقه

يا زين علمك يوم جيت وتعنيت &&& قال أيش!! قال لكل شخص طريقة

في ظاهرك حي وفي داخلك ميت &&& قاسي مشاعر والملامح رقيقة

هقيت بك يا ليتني ما تهقويت &&& أجل تزيح أحلام عمر بدقيقة!

على العموم أخطيت لكن ما أخطيت &&& المخطي اللي شال ما لا يطيقه

وانا على أية حال أبقول لك بيت &&& فيه المعاني جلها والدقيقة

أبيك تذكرني ليا منك أقفيت &&& وطريقتك يا شينها من طريقة

منقول

مساكم ورد /وصباحكم سكر

جالس وافكر في حبيبن وماضيه
ياهل ترى باقي على العهدللحين

والا نسى مع زحمة الناس مغليه
والاتناسى العهدمنطولة سنين

الحق لله ماني اليوم ناسيه
ولابغى اسيء الظن ضمن المسيئين

قلت اذكره بالخيرليه اظلمه ليه
وقمت اتعوذ من رجوم الشياطين

جوني ثلاثه؟؟؟قالوا شفيك ياهيه
قالواتفكر قلت بوسع ميادين

قالوغيابه قلت لاراح ينهيه
عمري وانا ماقوى على غياب غالين

قالوا عتابه قلت لي؟؟..ميتن فيه!
ولافيه مانع من عتاب المحبين

قالوا عجبك وقلت كل الحلافيه
اتأمله سبحان خالقه من طين

واضحك واهلل منذولي برمشيه
واقول ياستار ترفق بي تلين

ضي القمر هذا مثل نور خديه
وكن الشعر تصدر من اسباب رمشين

كنه ضلام الليل شعره يغطيه
وكن النجوم تزيدلمعه بتزيين

ولوعاد ابوصف لك بقايا مواريه
الحدت باوصافه على قامة الدين

وليانطق صوته يلحن حكاويه
ومع الدلع اموت في نطقه السين

احساسي بصوته وكنه يغنيه
ياليل ياجامع على الودقلبين

……………

وقالوبعيد وقلت والله لاجيه
واروي ضمى قلبن له قراب عامين

حلفت لجله لقطع الدرب وامشيه
لوطال مشيه طول سبع الأراضين

ولوحال سور الصين عن شوف عينيه
ودونه جبالن تحتشي بالمعادين

وقولا لهامهديك روحه بيديه
هذا اذا باقي على العهد تمشين

ويتحمل اكثر لين تتشابك يديه
في يدك وتكفين لالاتخونين

وقالوا ان كانه خان في عهد مغليه
قلت اتركه وامشي والايام تنسين

كان الوفا هذا ولاهو مكفيه
ومرخص ثمن عمري ترى معدنه شين

وقلت اتركوا حالي يكفيه مافيه
وتكفون روحوا لاتزيدون مافين

قالوا خلاص آخرسؤالن نبديه
قلت اخلصوا نبغى نختم الموازين

قالواتحبه قلت انا ميتن فيه
حبه سرى بالدم مجرى الشرايين

تدرون؟منهم؟هالثلاثه ومن فيه؟
القلب.واشعاري ,وثالثهن العين

القصيده لي ؟ولكم تحياتي @العايد@ لعيونهاa:؟؟

سبحان الله و بحمده

سلخير / …………..

قصيده خنفشاريه اعجبتني حيل وحبيت
تقروون معي

’,

أطرخ تدلل دام أنا وأنت حيين
………. تفداك روحي كان روحي تسدك

بلدك قلبي والشوارع شرايين
………. تمشي مع الشريان من حيث ودك

مر تمشي داخل العين يا عين
………. ومر تخش الفكر محد يردك

ومر تخيم في الحشى بين ضلعين
………. وعلى غدير الود ترشف بيدك

ومره تصرخها على الجبد باثنين
………. زاحف على كيفك ولا فيه قدك

مطغيك جيش الحسن بعتاده الزين
………. مدمرنبه من وقفك في مهدك

الناووي الملح لا خالطه لين
………. والذري الشامه على جال خدك

موت حمر أن جيت فيسار ويمين
………. ظبي جفول وتتعب الي يشدك

مفلاك في جوفي وجوفي بساتين
………. تنبت نفل غلاك وخزام ودك

والشوق نبته فايح بالرياحين
………. يحيا على شوفك ويابس بصدك

ودي عليك اغمض الجفن عامين
………. واوسك صبي عيني وامدك

واسكنك فالعين من هين ل هين
………. ومن زود حرصي كل يوم اعدك

’,

من إختياري

سبحان الله و بحمده

ماعذبك ياللي حديثك بأمس عذبني

لو صاح لك جرح فيني كان مااوحيته

لليل هم شغلني فيك واشغلني

ودعت مبطي الجروح ان كان صحيته

مني عليك الصبر يامعذبي مني

كل هاالجروح بحديثك كان رديته

بالله ياللي جنوني طال يقتلني

لامن تخلى جنوني عنك ناديته

كني معك منهزم والا معك كني

غريب دار ووطن يبكي على بيته

ذوبت شمع الشعر واطفاله تغني

لين انكتب بالشعر اسمك وحبيته

خلك قريب معي لاتبتعد عني

لو كان موتي على يمناك حييته

ياكثر غيره وحب يمك يدفعني

قلب يتله عذاب لك وتليته

ثوبي الى من حكى ماعاد ياسعني

كني ملكت القمر عندي وشديته

منقووول

سبحان الله و بحمده

في ليله هااديه والانوار مطفيه ..
دق جوالي بنغمة راشـد اغنيه..
رقم من الخارج رديت بحسن نيه ..
احسبه خالي دق مشتاق ليه ..

قلت:آلو ..مين ؟؟ بنبرات جديه..
قال:آلوو ..أهلين يا بنيه
قلت:نعم وش تبي أخلص عليه؟؟
قال:على هونك هدي شويه
قلت:لاتقول غلطان غلطه عفويه,,
قام يصرف قال: ايه ابي بدريه
قلت:غلطان يا اغبى الكره الارضيه
قال: طيب انتي كويتيه..؟؟
ولا من البحرين ولا اماراتيه؟؟
قلت : لاهذي ولاذيه..

[بكل فخر انا بنت السعووديه ]

آنا بنت ابومتعب قوي الشخصيه
بنت ملك شامخ افعاله رجوليه
قاطعني قال لحظه لاتصيري انانيه
بقولك حاجه مهمه وبالحيل ضروريه
تراك مغروره بدرجه خياليه
قلت: يحق لي دامني احلى من الحوريه
قال: يستهزئ تكفين يا روبي…
حني عليه
قلت: وجع لاتشبهني بروبي
ولا ناننسي ولا هيفاء الغبيه
قال: شوي شوي يالعناديه
ما سكت واجبت اجابه استراتيجيه
قلت: لا تراااني مو عاديه
وبعطيك معلومه اضافيه
مرتبه من حروف هجائية
أنا ترااني

[جنوبية ]
يعني بإختصارما احب الأذيه
قال : بقولك حاجه سريه
انتي لك صفاات سحريه
كلامك وصوتك الحلو خلفيه..
وش رايك نسوي قصه غراميه..
يعني اتعرف عليك اعلمك الرومنسيه
قلت : اقووول نام واتغطى ببطانيه
انا ياولد من الذهب ماني مطليه
قال : اف جبتي لي عقده نفسيه..
قلت بس روح شوف المباراه النهائيه
قال:وانت وش فهمك بالأنديه الرياضيه
قلت : بفخر وثقه انا مشجعه (هلالية)

قال :شكلك كذا وحده عربجيه
قلت بلهجه جافيه قويه
قلت انا: شكلي بتكلم [ بالأنجليزيه ]
لانه باين عليك ماتفهم لغه عربيه
مالك شي عندي افهم عليه
ارتبك خااف ..
وبالنهااااايه
قدم كلمه اعتذاريه
قال آسف وحياتي تحيه

وقال : من جد غير بنات السعوديه..

تحياتي فتاة السعودية بنت الجنوب

سبحان الله و بحمده

السلام عليكم ورحمة الله وبركاته

¤*~ˆ° احساس غالي¤*~ˆ°

يا شاغل فكري وقلبي عن الناس
ما ابيك تسأل ليه قل اتصالي
خلك معي واسمع قصيدة من احساس
احساس غالي مرسلة يم غالي
من شهر تسعة ما خطف طرفي نعاس
وان نمت شفتك ساكن في خيالي
شربتك من الحب كاس ورا كاس
واشغلت فكري فيك واشغلت بالي

غلاك في قلبي ترا ماله قياس
لا تسال من الحب حبك خيالي
تغريني من الخصر لا هامة الراس
وجسم يميزه الترف والدلالي
الله عطاك عيون خدر ونعاس
تذبح عشاشيق الهوى ما تبالي
ورموش عينك كنها صف حراس
من ناظرك صارت يمينه شمالي

خصلات شعرك كنها قطعة الماس
اشقر على لمتان شكله مثالي
شفني حجبت اجمل قصيدي عن الناس
وارخصت لعيونك غلا كل غالي
لا باس يالي تشكي البعد لا باس
ذالي شهر مهموم يا راس مالي
واليوم جيتك باجمل شعور واحساس
احساس من غالي لاجل عين غالي

كلمات اعجبتني نقلتها لكم واتمنى تعجبكم

تحيتي لكم

سبحان الله و بحمده

السلام عليكم ورحمة الله وبركاته

اطرح لكم هالقصيده وهي لولد عمي .. حزين الحرف .. عبد الرحمن بن سعد

"مليت تعذيبك "

أوفيت في تجريح قلبي وكفيت
00000000000000000 قلب يحبك وأصبح اليوم مطعون

حبيت غيري وعن هوانا تخليت
00000000000000000 وأول حلفت وقلت عزاه ما أخون

الله أكبر يا حبيبي تناسيت
00000000000000000 حب جمعنا وأغلب الناس يدرون

أول خفوقي بالمحبة لكم بيت
0000000000000000 واليوم بأشباح الحزن صار مسكون

كم مرة في تالي الليل ونيت
0000000000000000 وكن الحشا في داخله جرح طاعون

ومن حر مابي با ابن الأجواد هليت
00000000000000000 دمعي وقبلك داخل العين مسجون

ولا شفت عذالي تضاحكت بلفيت
00000000000000000 إني سعيد وداخلي حزن مكنون

أول تبادلني الغلا ما تغليت
0000000000000000 واليوم عندك يرخص الحب ويهون

مدري زعل يا صاحبي يومك أبطيت
0000000000000000 عن صاحب يحفظ محبتك ويصون

أبشر خفوقي قد نساكم ولا قيت
0000000000000000 شخص وفي صادق الحب مزيون

مليت تعذيبك وأنا منك مليت
000000000000000 وشلون أسامح جارح القلب وشلون

من عقب ماني قي غيابك تهنيت
0000000000000000 تبغاني أرجع للحزن أنت مجنون

وين أنت ؟؟يوم أني نخيتك وناديت
000000000000000 توه طلع لك سمع وأحساس وعيون

تدري به أمر واحد منك حبيت
000000000000000 ويمكن عشانه صرت لك حيل ممنون

إني "بحزين الحرف "عقبك تسميت
0000000000000000 وأصبحت أكتب شعر والناس يقرون

ودي أهاجر قبل مااقضي من البيت
0000000000000000 ومن قبل أختم القاف بالواو والنون

وتحيه مني للجميع
ودعت الفرح

سبحان الله و بحمده