التصنيف: الشعر

وش فيك تبكي فديتك يابعد عمري
حرام والله أشوف الدمع بعيونك

تعال أضمك وحط راسك على صدري
ماجات ناس على الدنيا يبكونك

فديت روحك وعمرك واه لو تدري
انك في عيني طفل مابي يضرونك

امسح دموعك مدام أن اللقاء بدري
واضحك حبيبي ترى واجد يحبونك

ودي أشوفك هذاك اللى على خبري
تضحك وطير الفرح يغرد بكونك

الحزن قبلك ترى في دمي وحبري
وفالناس غير الحبايب لايهمونك

الليل توه وأخاف من الوله يسري
وانا من اول ابي فرقاه من دونك

خلك مابين الشعور الطاغي وشعري
وانسى جروحك ودمع العين وطعونك

أبيك تسكن بروحي وقلبي وفكري
اباخذك عن جروح الناس وصونك

الناس لوعاشت بطيبتك ياعمري
ماكان واحد تجرىء يبكي عيونك
~~~~~~~~~~
منقول
~~~~~~~
احبك يا فجري المشرق
الله يخليك لي
ويفرجهإإ

سبحان الله و بحمده

**<<((تجي يا رب ))>>**

على الموعد بلهفه جيت ..لا مانع ولاتأخير..
لفيت من العصر هايم مع أن الموعد المغرب..
وجتني بس أنا ما أدري شعرت الجيه هذي غير..
وهي تقرب من عيوني ..شعرت أن الممات أقرب..
وقلت الله يهونها..عسى في جيتك لي خير..
أنا من شفتك أقبلتي وأنا خايف ومستغرب..
على كثرالحكي ما أدري كانه خانها التعبير..
قالت لي جمل وأشياء لا تكتب ولا تعرب..
هدت فجأة تطالعني وأنا في حاجه للتفسير..
لجل نحكي بهدوء أكثر سألت الحلوه :وش تشرب..
وصاحتبي أنا أحبك ولك في هالحشى تقدير..
وتدري أن المثل فينا وفي أحساسنا يضرب..
صحيح أنك "وفي" وأنك "بريء" من تهمة التقصير..
ولكن هذي عوايدهم من أيام وزمن يثرب ..
تكون البنت لابن العم ..ورغبات الكبار تصير..
وتدري الاقربون أولى مع أنك للخفوق أقرب..
وتدري للقدر كلمة لعادات الأهل تأثير..
لذا أرجوك تتركني وأنا من دنيتك بهرب..
شعرت بحكيها كنه قصاص وأمر بالتعزير..
شعرت الدنيا ضاقت بي من المشرق اليا المغرب..
مشت خلت وراها طفل مايدرك وش التدبير..
يحسب أن الغرام أشعار شاعر وأغنية مطرب..
ضحكت وما قدرت أني ألاقي لضحكتي تبرير..
من اللي بوقتنا مره ضحك من لدغة العقرب..
رفضت أستوعب اللي صار ولا استسلمت للتغير..
ثماااااان سنين أجي نفس المكان حزة المغرب..
برغم أن ثمااان سنين جروح وكلفتني كثير..
أنا لليوم أجي وادعي.. تجي يارب ..تجي يارب..

أتمنى إنها تعجبكم
ودمتم ‘

سبحان الله و بحمده

صورة جميله

عايزين صو ره جميله تتعلق جوه الفصل
صوره طفل يصلى يصلى صلاة العصر
صوره لبابا وماما بيصلوا صلاة الفجر
صوره لينا كلنا بنحب بلدنا مصر
رفعين ادينا بندعى بنقولل يارب النصر
النصر على الشيطان من وسوسته وخبثته
وبقوة الإيمان هنحقق هذا النصر
صوره لإدينا فى ادين بعضينا هنحقق احلام كتيره
صوره مدرس صورة مهندس صورة وكيل نيابه علينا
عايزين صوره جميله تتعلق جوه الفصل

مرفت عاصم

سبحان الله و بحمده

جرحن يسر القلب وجرحن يـذله ..
وطلتن تبري العله وطله تزريك

وبوسه من هنآ الريق صافيه مبتله ..
بالعسل وريح الفل والطيب تبريك

يازين انا في هواك مهتني بآلعله ..
وعسآك لقلبي طآلبن وآنآ ارجيك

دستور شعري ينحني وافيه واتله ..
وينحني شوقي لسمو زولك وطاريك

شفت مني طلب غير اني ابيك؟لآبالله ..
ابيك كلك بزينك وشينك ومافيك

مآقول الا الله يصبر كل قلبن تولع بـ خله ..
ويجعل دروبي عجلتن ل شوف عينيك

هلوشة حرفي (محمد آلدوسري)

سبحان الله و بحمده

بسم الله الرحمن الرحيم

إحساسي اعمى وقلبي يروي الظامي
والشوق أغبى شعـــــور لدرب غاياتي

يالله تجلـــــــــــى عماي وتبري آلامي
ويقوم عقلي يحكم الــــــــروح بسكاتي

تعبت انور ظـــــــــلام الياس باحلامي
واثر العشم كـــــــــاذب والحلم دمعاتي

والحظ حفيت يديه وطـــــــاح ما قامي
وحموله اجمل حيــــــــاتي وابتساماتي

يا عين كفـــــي عناي وحسرتي دامي
مجبور اعيـــــــش بنكد واتنفس آهاتي

شـــــــرع القدر ظالم عجـزوه خدامي
صوت الرجى والعقل والصبر وشفاتي

والله لو في يـــــــــدي والموت قدامي
لا اعطيه عمر الندم والجــــور ومناتي

عمر عبدالمحسن

http://www.youtube.com/watch?v=TnYkzbfzyxg

سبحان الله و بحمده

بشويش يازين التواصيف بشويش
حني على من عاش عمره خلاوي
يبغيش في قربه وبالروح يشريش
ويبغيش في جرحه طبيبن مداوي
ماعاش قربش لاجل يلقى بخاشيش
ولا عاش عمره ف الرجا والهقآوي
لاغبتي الروح الحزينه تناديش
ع الصد والهجران مانيب قآوي
ياام العيون الناعسات المراييش
فيها وفيها من عيون النداوي
خدودها وردن ظهر في قفى ريش
وليا مشى من فوق الارض امتساوي
عروق قلبي للمواص معاطيش
وانا بربي مستعين ورجاوي
عليه يابنت العروبه م وصيش
يالي بوصفش معجزة كل هاوي
يابنت عود من رجالن مداغيش
الطير ينزلش من الجو هاوي
روفي بحال اللي بحبه يداريش
ومنهو كره خلي تجيه البلاوي
ماهمني حكي العواذل وحتيش
الزين يسوى في عيوني مساوي

منقول أتمنى أن تحوز على رضاكم

عزاك الصمت ياقلبن ضحوك وشاحب محيياك
تكلم لعنبو جد الغرام ولعنبو حيك

ترى قلبك كفاه اللي حصل له والبقى ذكراك
وترى كل الجروح اللي تمررك ماهي بزييك

تكلم للزوايا لانضرها وإحتضن ذكراك
وترى كل الكلام اللي أسولف فيه طارييك

تعب مشيك على درب الوصال وحايرات اخطاك
……تعب قلبك وانا قلبي يهاب النار من فييك

وانا رمشي اظلال وتلحف والجفون اغطاك
وسولف للمسا صبحن يغار ليا بدى ضييك

حبيبي !!!!!!لاتمننع والدعاوي كلها لقياك
تشد الحبل واتفلله ترى الدعوى دعاوييك

؟

ترججع مافقدته بالحياة ومابقى يفداك
لاصار البعد ماتقوى على شوكه مواطييك

رسمتك للهنا وردة تعلمك الحياة اهنااك
وقطفتك للحشا صورة تباهى في موارييك

كتبتك للملا حرفن تفاخربه وجا يزهاك
يسولف للمسا صبحن يغار ليابدى ضييك

(كم انا بحاجه لشي احتويه لشيء افتقده لارغبة)

قلم عايد العنزي

سبحان الله و بحمده

بسم الله الرحمن الرحيم

لله يومك صغير لو تذكرها

كنت أصغر عيالها وأكبر امانيها

كنك مرايه لها لو ماتناظرها

ماكحلت عينها ولا حنت إيديها

مرت عليها ليالي ماتصورها

لو قلت ماقلت ماصورت ماضيها

واتحملت من همومك في خواطرها

من وين مارحت او ماجيت ماليها

من أول الخطوة اللي في تعثرها

حتى آخر الخطوة اللي تو ماشيها

تسقيك منها وتلعب في ضفايرها

ايدين تروى عروقك من سواقيها

وان نامت الليل صحت لك ضمايرهاتخاف تحتاجها والا تناديها

كم لعبت قد شرتها وانت تكسرها

ومرة ثانيه ترجع وتشريها

تقدر على كل شيء بس خاطرها

مايحتمل دمعة في عين غاليها

ما تذكر دروسك اللي ماتذاكرها

وخوفها وانت وسط البيت ترميها

بشرتها بالنجاح وهل ناظرها

يادمعة للفرح سيلي وضميها

كم ليلة غبتها وابطيت ساهرها

نامت وقامت وخافت من تواليها

تجلس ورى الباب وتقلب ستايرها

وتذوي مثل شمعة بالبيت ناسيها

تذوب واجفف الدمعه على اخرها

ياخوفي انك على هالحال تنهيها

ماهي بحمل السهر حتى تسهرها

اليوم شابت وحق انك تراعيها

ماهو بحق عقب هالعمر تنهرها

لا اطير عنها وريشك حطت ايديها

وليا تزوجت خذ بنت تقدرها

تبر فيها مثل برك وتغليها

حتى لو الزوجة أخطت دون خاطرها

وسوت لها حاجة ماهي بترضيها

قل يامره هذي امي في خواطرها

شيء ولا ودها تقول وماليها

ولا يزعلني الا اللي مزعلها

ولا يعنيني الا اللي معنيها

وشلون ابصبر على اللي مايقدرها

الله لايخلي ترابي من مواطيها

نصيحة قلتها للي تذكرها

الوالدة كلمت صعب معانيها

ياللي عيونك على الجنه تناظرها

طلبك غالي ولكن تحت رجليها

منقوول

سبحان الله و بحمده

الغرابة شفت أبشع صورة ترجمتها الحروف

خلف جدران الحقيقة يستتر شخص نحيف

ما عرف إن الخيانة .. سمها بين الحروف

لين جاه اليوم اللي ينكشف غدر وزيف

لو نطالع للوجيه الضاحكة .. اللي نشوف

سرها أعماق بحر مالها مرسى ورصيف

لا غرابة في زمان … دوم شمسه في كسوف

ولا غرابة في سحابه تحتوي برد وصيف

منقول مع تحياتتي

سبحان الله و بحمده

[color="magenta"]ماهو خطا لاقلت ( تآمر على شي )
حيل الله اقوى مابقى في يدي شي[/color]
مافيه حل في يدي .. ماذخرته
حاولت .. لكن المحاصيل هي هي
الطير طار ولا بقى الا شجرته
وقفت اشوف شوي واغمض شوي
واللي انكسر في خاطري ماجبرته
لين إلحقت شمسي على بارد الفي
وشفت ان كل اللي جمعته خسرته
من كثر ماعزيت ريقي عن المي
مل الصبر من كثر صبر صبرته
كم هقوة ضاعت على سكة الغي
وكم حلم ف( تراب ) الحقيقه قبرته
واقف .. وطعنات الزمن كلها في
وساقي لو انه كل مني / كسرته
بعد ماعاش اليأس في احساسي الحي
اخوي .. لو هو صد عني عذرته
مدري عن اللي كنت احسبه بقى لي
اللي حزمت ابه الضلوع وذكرته
اللي طوى حالي بحكم الهوى طي
قصر .. وانا كل الطريق اختصرته
ماهو خطا لاقلت ( تآمر على شي )
الا الخطا .. لا اشتقت له وانتظرته

منقوووول

سبحان الله و بحمده