مدونة عبير النسائية

السلام عليكم ورحمه الله وبركاته

بحر الآشواق

ماجيت لك عاني ولا جيت مشتاق // جيت اشوف صدق احاسيسي بعيونك
ببرهن فيك ظني ولو وقتي ضاق // وصرت حاير بحساس قلبي وشجونك
ولو تضاربت علي ظروفي بالعماق // اقدر اصيطر عليها اقدر اصونك
انت اللي لك في الحنايا قدر منساق // انت اللي بمرك احاسيسي يجونك
شوف ضخ الخفوق يتبعك بالشهاق // مسيرعلى حكمك وراضي بجنونك
اه من عين تهلي في بحرالاشواق // تضمي فواد محبوب وتروي فنونك
تدري شنو يصبرني وقت الفراق // ذكراي لاحلت بك تبين سنونك
تدري متى تدمع عيوني بالحراق // لاوقفت ذكرى غيري دوني ودونك
يروح ذاك الحنين ولاعقبه تفاق // مشاعر معاد تهمني ولايهمونك
وصبح انا كلي على نار حبك باق // اعد قطور المحبه وسير شؤونك

قلمي
طير القوافي
ماجد محمد المطيري

سبحان الله و بحمده

الـمـشـكـله انـي لانـسيـتـك ذكـرتــك
والعب على نفسي وانا اذكرك وانساك

قـريـب مـنـك وابـتـعــد لا وصـلـتـك
ابيـك لـكـن بـعـض الاحـيـان ما أبغـاك

اعـرفـك والـله وانـكـر انـي عـرفتك
واقـنع خفـوقـي وانسـى ماكـان ويـاك

شـفتـك ولا ودي بهـالحـال شـفـتـك
ودي اطـول نظـرتي وخـوفـي انصـاك

اسمـع نـداك اقـول لا مـا سـمـعـتـك
اتجـاهـلك والـقـلب صــوت ونـــــاداك

اوصفك انا واقول ابــــد ماوصفتك
واجـمل قـصيـدي كـاتـبه فـي حلايــاك

احيـان اقـول انك زمـن مـــر وقـتك
ويـفـز قـلـبي لا طـروا يــوم ذكـــراك

احاول انـسى لحـظـت انـي ذكـرتـك
واسـلى واسلي الـنفس لأحل طرياك

منقول (الخافق)

سبحان الله و بحمده

منك الأذن اطلع دقيقه من الزحام
أقرأالقصيده بحضرتك وارجع على الصف الطويل

أميرتي لو تسمحين أنثر على اسمك كلام
أحلى المعاني ما لها غيرك ولا تلقي بديل

أبجمع نجوم الفضا وأضوي قصيده في الظلام
لأجلك على طول الزمن تبقى ولا تعرف رحيل

أبجمع غيوم السما وأكتب قصيده من غمام
تنبت بها شمس تدوم ولا يغيبها أصيل

لملمت أنا بيوت الشعر وأثري الملم لك ركام
خذي قصيده ترتعش أبقى أنا فيها بخيل

ربما عجز سحر البيان يوصفك ولا ظني يلام
آمنت إنك معجزه وفيك القصيده تستحيل

الشعر الويس فيتون

هذه القصيد كتبتها اليوم بطلبمن فتاة وهي من اصحاب السمو الملكي

سبحان الله و بحمده

گتفي يشيل من آلزمن فوق مآ طآق
…………… وآلضيق يرضآبي وآنآ مآرضيته*

آلى متى وآنآ آنتظر لحظه آشرآق
…………… آلى متى وآلحزن هآلقلب بيته

آلى متى وآلهم ينحت بآلآعمآق
…………… وآسقيه من فرآقگ دمع بگيته*

يآصآحبي شف خآطري مآ بعد رآق
…………… بنفس آلطريق آللي آنتهى وآبتديته*

ضآق آلزمآن وگل شي بعدگ ضآق
…………… حتى آلقصيد آللي بصدري آحتويته*

عمر آلشعر مآ ضيق صدور آلآورآق
…………… آلضيق ضيقي لآگتبت وقريته*

تعبت آجمع مآ بقآلي من آشواق
…………… وآقول ليت آلوقت يفهم يآليته*

يآقو قلبگ وآنت محرقني آحرآق
…………… آرفق بحآل آللي ذگرگ ونسيته*

تدري عزآي آن حدگ آلقلب تشتآق
…………… دور علي بگل درب مشيته*

يمگن تلآقي درب بدروب آلفرآق
…………… يجوز ربي گآتبه وآهتديته*

ومدآم ربي في يده قسم آلآرزآق
…………… آنآ آقتنعت بمآ گتبه ورضيته*

جنائن ورد لا تذبل لكل من مر من هنا

سبحان الله و بحمده

الغرابة شفت أبشع صورة ترجمتها الحروف

خلف جدران الحقيقة يستتر شخص نحيف

ما عرف إن الخيانة .. سمها بين الحروف

لين جاه اليوم اللي ينكشف غدر وزيف

لو نطالع للوجيه الضاحكة .. اللي نشوف

سرها أعماق بحر مالها مرسى ورصيف

لا غرابة في زمان … دوم شمسه في كسوف

ولا غرابة في سحابه تحتوي برد وصيف

منقول مع تحياتتي

سبحان الله و بحمده

بسم الله الرحمن الرحيم

لله يومك صغير لو تذكرها

كنت أصغر عيالها وأكبر امانيها

كنك مرايه لها لو ماتناظرها

ماكحلت عينها ولا حنت إيديها

مرت عليها ليالي ماتصورها

لو قلت ماقلت ماصورت ماضيها

واتحملت من همومك في خواطرها

من وين مارحت او ماجيت ماليها

من أول الخطوة اللي في تعثرها

حتى آخر الخطوة اللي تو ماشيها

تسقيك منها وتلعب في ضفايرها

ايدين تروى عروقك من سواقيها

وان نامت الليل صحت لك ضمايرهاتخاف تحتاجها والا تناديها

كم لعبت قد شرتها وانت تكسرها

ومرة ثانيه ترجع وتشريها

تقدر على كل شيء بس خاطرها

مايحتمل دمعة في عين غاليها

ما تذكر دروسك اللي ماتذاكرها

وخوفها وانت وسط البيت ترميها

بشرتها بالنجاح وهل ناظرها

يادمعة للفرح سيلي وضميها

كم ليلة غبتها وابطيت ساهرها

نامت وقامت وخافت من تواليها

تجلس ورى الباب وتقلب ستايرها

وتذوي مثل شمعة بالبيت ناسيها

تذوب واجفف الدمعه على اخرها

ياخوفي انك على هالحال تنهيها

ماهي بحمل السهر حتى تسهرها

اليوم شابت وحق انك تراعيها

ماهو بحق عقب هالعمر تنهرها

لا اطير عنها وريشك حطت ايديها

وليا تزوجت خذ بنت تقدرها

تبر فيها مثل برك وتغليها

حتى لو الزوجة أخطت دون خاطرها

وسوت لها حاجة ماهي بترضيها

قل يامره هذي امي في خواطرها

شيء ولا ودها تقول وماليها

ولا يزعلني الا اللي مزعلها

ولا يعنيني الا اللي معنيها

وشلون ابصبر على اللي مايقدرها

الله لايخلي ترابي من مواطيها

نصيحة قلتها للي تذكرها

الوالدة كلمت صعب معانيها

ياللي عيونك على الجنه تناظرها

طلبك غالي ولكن تحت رجليها

منقوول

سبحان الله و بحمده

إني صحبت أناسا ما لهم عدد .
وكنت أحسب أني قد ملأت يدي

لما بلوت إخلائي وجدتهم كالدهر .
في الغدر لم يبقوا علي أحد

إن غبت عنهم فشر الناس يشتمني .
وإن مرضت فخير الناس لم يعد

وإن رأوني بخير ساءهم فرحي
. وإن رأوني بشر سرهم نكدي

،،،،،،،،،،،،

قنعت بالقوت من زماني .
وصنت نفسي عن الهواني

خوفا من الناس أن يقولوا .
فضل فلان علي فلاني

من كنت عن ماله غنيا .
فلا أبالي إذا جفاني

ومن رآني بعين نقص .
رأيته بالتي رآني

ومن رآني بعين تم .
رأيته كامل المعاني

اقلط هلا بك مرحبا بالقلب منزالك
لك ماتبي تامربعد حيي وحييني
.
هلا وماحد بالغلا له ربع ماطالك
خذيت كل الحب ياغال العزيزيني
.
نوختني لك بالغلا تامر ونرقى لك
انا وقلبي لك وخاف الروح وافيني
.
اطلب تدلل سيدي ياتيك منوالك
والله لااقدم لك حياتي لاجل ترضيني
.
بي شوق لك ضاها جميع الشوق ينخى لك
اطفه ومد الكف واجمع شمل قلبيني
.
الحب واهيامي ترجوا رية ازلالك
يبون بل الريق منك وليت ترويني
.
مع مبسم من شاف ضيقه حسبة الهالك
به سلسبيل من رشف منه نسى البيني
.
ومجدل كاسيك ضلمة ليلي الحالك
مع غرة جل المصور هي منى عيني
.
خدك وقدك والبواقي شف خيالك
ياليت لو رشمتك بيدي ماتخليني
.
ارحم عظيم الشوق في قلب تعنى لك
موتي جفاك وفي وصالك تسعد سنيني
.
ادري بعيد القاك وادري صعب منوالك
وادري محال الوصل وادري صعب تلفيني
.
لاشك اماني قلتها عل السعد فالك
والوصل لو هو بالحروف ارسل وتاتيني
.
كلي لهب وانته مطفي نار ذلالك
وكلي وله وانت الرجى ليتك تعانيني
.
هذا رجى من نوخ ركابه على جالك
يطلبك ياأصدق غلا للقلب تعطيني
.
.

بقلمي

أورنس

اشتعل بالقلب وجد للرياض
إيه واكبر وجد للي يسكنه

الرياض ايه الرياض اغلى فياض
له خفوقي ساجع بالالحنه

به مهذري لين مالسكاب فاض
ولين ماكبر الوله به جننه

يارياض الريم جيتك بي هياض
اسالك عن كل حي وامكنه

اسالك بالله عن من لايعاض
الجفول اللي غلي معدنه

يالرياض اليوم كلي لك فضاض
اسمعيني يوم هضت بدندنه

دندنة حرف بحب فيك فاض
يارياض الريم وسطك مكمنه

شارته قلب تحلا بالبياض
روحي بكفه وربي مرهنه

يارياض ارجوك حد الوجد ناض
صعب شوقي يارياضي نمهنه

شوقي لحده تعدا ثم غاض
وجاك مجنون بحاله مزمنه

ارحمي شوقي فديتك لايغاض
ورديه اشفوف هامه كم سنه

هامها لين الالم لاعضاه حاض
قلب مع روح وعيون واذهنه

اه ياويلي وقلبي له جضاض
يالرياض ارجوك شوفي مضمنه

بقلمي

الشمري

نسمة الصبح

هلا باللي ليا من جت قالت لي مساء النور
وقلت النور في وجهك ترى انتي للمسا نوره

مساء الفل والكادي مساء الورد والبخور
مساء ياحبيب الروح تفوح وتنعش عطوره

هلا بك عد ما رفرف خفوق من الفرح مسرور
وعدد ما غرد العصفور يوم يحب عصفوره

وعدد زهر الربيع الصبح لا فتح وهوممطور
وعدد قطرات ماطرها وهي من امس ممطوره

وعدد ما زارني طيفك وناجيته بدون شعور
وعدد ما اشناق لك قلبي ورسم لك داخله صوره

تدري ليش اهلي بك ودربك كل ابوه ازهور
وليش القلب هلا بك وتعدى من الفرح طوره

انا بابوح لك بالسر وباكشف لك عن المستور
عسى يارب تفرح لي وتدوخ شوي مبهوره

تبيها كاش انا احبك وحبك داخلي منثور
يجري في شراييني وفي قلبي بنى قصؤره

الا يا نسمة الصبح العليل وشقشقة عصفور
الا يا وردة فوق الورود البيض مغروره

الا يا كلمة حلوه حلاوتها تزيح الجور
والا يا احلى من الشهد المصفى وسط بللوره

نصحت القلب عن حبك وعيا لا يطيع الشور
انا من حبكم يابنت صرت امشي على شوره

احس اني مع الايام اقرب لك وانا مجبور
سجنت الروح بيدينك وصارت فيك مجبوره

ابي استانس بقربك ومني ما يجيك قصور
وابكتب فيك من شعري فداك الشعر وبحوره

قصيده للشاعر:ابراهيم اللوباني