السلام عليكم …

اخر ماباح به قلمي … اتمنى ان ينال اعجابكم

لا تظلميني في غيابي انا ارجيك
خلي خفوقي يكتوي في غيابك

ان جيتك ابكي قلتي البعد يبغيك
وان رحت غايب قلتي البعد عابك

تاهت دموعي في خفا الليل تحييك
تحرق بقلبي كل عرق حيا بك

لوني بكيتك سالف العمر يبكيك
ولوني فقدتك باقي العمر شابك

كانت حروفي تنعزف من حلاويك
كانت عيوني تهتني في شبابك

كانت ليالي اكتب الشعر واسقيك
كانت ليالي مرتوي من سحابك

كانت ليالي اسهر الليل واجيك
كانت ليالي داعي الشوق جابك

لو هو عذابي في حروفك مباديك
اسرج حروفي ترتحل هي زهابك

ولوني قتيلك اخذ الرمح واعطيك
واقول اطعن يا حبيبي هلا بك

مارد طعنه في خفوقي باياديك
ابي شعورك حامي الي هقا بك

خليتي وحوش الجفا باراضيك
تنهش بقلبي واتحمل صوابك

وش هو بقالي واترجى معاليك
واظلم خفوقي لاتشكى عذابك

وش هو بقالي لاقبل الليل يشكيك
يرمي بحضني باقي من ثيابك

وش هو بقالي واتتبع خطاويك
لاصار قلبي منحرم من شرابك

وش هو بقالي يا حبيبي انا فيك
وعروق قلبي تحترق في كتابك

لاتظلميني في غيابي انا ارجيك
اشكي جنونك يوم عني غدا بك

ان رحتي بقفل بالمحبه شبابيك
وان جيتي قلبي ذايب في ترابك

تحياتي
فتى الظل